ශ්‍රී ලංකා විදුලි සංදේශ නියාමන කොමිෂන් සභාව (TRCSL) ශ්‍රී ලංකාව තුළ චන්ද්‍රිකා පදනම් කරගත් අන්තර්ජාල සේවා සැපයීම සඳහා Starlink සඳහා මූලික අනුමැතිය ලබා දී ඇති බව තාක්ෂණ රාජ්‍ය ඇමැති කනක හේරත් නිවේදනය කළේය.

විධිමත් මහජන උපදේශන ක්‍රියාවලියකින් අනතුරුව ඊට අනුමැතිය ලබා දෙන බව ඔහු පැවසීය.

මේ අතර, මේ සම්බන්ධයෙන් මහජන අදහස් විමසීමේ තොරතුරු හෙට ප්‍රකාශයට පත් කරන බව ජනාධිපති මාධ්‍ය අංශය පවසයි.

බිලියනපති එලෝන් මස්ක්ට අයත් Starlink යනු , රටවල් 70කට අධික සංඛ්‍යාවකට ආවරණය සපයන ඇමරිකානු අභ්‍යවකාශ සමාගමක් වන SpaceX හි පූර්ණ අනුබද්ධිත ආයතනයක් වන Starlink Services, LLC විසින් මෙහෙයවනු ලබන චන්ද්‍රිකා අන්තර්ජාල සේවාවකි.

ගෝලීය ජංගම බ්‍රෝඩ්බෑන්ඩ් සේවාව සැපයීම ද එහි අරමුණයි.

SpaceX 2019 දී Starlink චන්ද්‍රිකා දියත් කිරීම ආරම්භ කළේය.