December 30, 2024
කිළිනොච්චිය මාධ්‍ය සංගමයේ ලේකම් ප්‍රාදේශීය ජනමාධ්‍යවේදී එස්. තමිල්සෙල්වම් පැහැරගෙන ගොස් මරාදැමීමට තැත්කිරීමේ සිද්ධිය සම්බන්ධයෙන් සැකකරුවන් දෙදෙනකු කිළිනොච්චිය පොලිසිය විසින් 28 දා අත්අඩංගුවට ගෙන තිබේ.
එලෙස අත්අඩංගුවට ගත් සැකකරුවන් දෙදෙනා පළාතේ මත්ද්‍රව්‍ය අලෙවි කරන්නන් බවට හඳුනාගෙන ඇති බව පොලිසිය සඳහන් කරයි.
සැකකරුවන්ගෙන් තවදුරටත් ප්‍රශ්න කරගෙන යන අතර ජනමාධ්‍යවේදියා පැහැරගෙන යන ලද්දේ මහාපරිමාණ මත්ද්‍රව්‍ය ජාවාරම්කරුවකුගේ වුවමනාවකට විය හැකි බවටද පොලිසිය සැකකරයි.
