December 27, 2023
දුම්රිය දේපළ සොරකම් කිරීමට උත්සාහ කළ සැකකරුවකුට දුම්රිය ආරක්ෂක නිලධාරීන් සිදුකළ වෙඩි තැබීමකින් ඔහු තුවාල ලබා ඇති බව පොලීසිය පවසයි.
දුම්රිය දෙපාර්තමේන්තුවේ රත්මලාන දුම්රිය කර්මාන්ත ශාලාවේ උපකරණ ඊයේ (26) පෙරවරුවේ සැකකරුවන් තිදෙනෙකු සොරකම් කර ඇති අතර, එක් සැකකරුවකු ආරක්ෂක නිලධාරියකුට පිහියෙන් ඇනීමට උත්සාහ කර ඇති බව වාර්තා වේ.
එහිදී ආරක්ෂක නිලධාරියා සැකකරුවන්ට වෙඩිතබා ඇති අතර ඉන් එක් අයකු තුවාල ලබා ඇත.
අනෙක් සැකකරුවන් දෙදෙනා පළාගොස් තිබේ.
තුවාල ලැබූ මොරටුව ප්‍රදේශයේ පදිංචි 51 හැවිරිදි පුද්ගලයා කළුබෝවිල ශික්ෂණ රෝහලට ඇතුළත් කර ඇති අතර ඔහු මේ වනවිට පොලිස් ආරක්ෂාව යටතේ පසුවෙයි.
ගල්කිස්ස පොලිසිය වැඩිදුර පරීක්ෂණ පවත්වයි.
