විදේශ රටක නිෂ්පාදිත ස්වයංක්‍රීය ගිනි අවියක්, එහි මැගසින් සහ ජීව උණ්ඩ පහක් සන්තකයේ තබාගෙන සිටි සැකකරුවකු මොරගහහේන පොලිස් ස්ථානයේ නිලධාරීන් විසින් අත්අඩංගුවට ගෙන ඇත.

නිලධාරීන්ට ලැබුණු තොරතුරක් මත 2025 ජනවාරි 25 වන දින කහතුඩුව පොලිස් වසමේ මාගම්මන ප්‍රදේශයේ සිදුකරන ලද වැටළීමකදී මෙම අත්අඩංගුවට ගැනීම සිදුකර තිබේ.

පසුව සැකකරු වැඩිදුර කටයුතු සඳහා කහතුඩුව පොලිස් ස්ථානයට භාරදී ඇත.

හෝමාගම, මාගම්මන ප්‍රදේශයේ පදිංචි 43 හැවිරිදි සැකකරු පිළිබඳව මේ වන විට විමර්ශනය සිදුකෙරෙමින් පවතී.

කහතුඩුව සහ මොරගහහේන පොලිස් ස්ථාන දෙකම සිද්ධිය සම්බන්ධයෙන් වැඩිදුර පරීක්ෂණ පවත්වයි.