තම ආරක්ෂක නිලධාරීන් අඩුකිරීමේ තීරණය අභියෝගයට ලක්කරමින් හිටපු ජනාධිපති මහින්ද රාජපක්ෂ විසින් ගොනුකරන ලද මූලික අයිතිවාසිකම් පෙත්සම ශ්‍රේෂ්ඨාධිකරණය විසින් ප්‍රතික්ෂේප කර ඇත.

ශ්‍රේෂ්ඨාධිකරණය විසින් අද දින විභාගයකින් තොරව මෙම පෙත්සම ප්‍රතික්ෂේප කරන ලදී.

හිටපු ජනාධිපති මහින්ද රාජපක්ෂ මෙම පෙත්සමේදී, තම ආරක්ෂක නිලධාරීන් 60 දක්වා අඩුකිරීමට රජය ගත් තීරණය අභියෝගයට ලක්කළේය.

විශාල මුදලක් නිකරුණේ වැයවන බව දක්වමින් හිටපු රාජ්‍ය නායකයන්ට ලබා දී ඇති වරප්‍රසාද අඩුකිරීමට රජය තීරණය කිරීමෙන් පසුව මෙලෙස ආරක්ෂක නිලධාරීන් අඩුකිරීම සිදුවිය.