November 12, 2023
ශ්රී ලංකා ක්රිකට් ක්‍රීඩාවේ පවතින ගැටලුවලට ඉන්දීය ක්රිකට් පාලක මණ්ඩලයේ ලේකම් ජේ ෂා වගකිව යුතු බවට 1996 ලෝක කුසලානය දිනූ ශ්රී ලංකා නායක අර්ජුන රණතුංග චෝදනා කරයි.
යූටියුබ් ඔස්සේ පළකරන ලද සම්මුඛ සාකච්ඡාවකදී ඔහු චෝදනා කළේ ශ්රී ලංකා ක්රිකට් ආයතනයේ නිලධාරීන් සමඟ ඇති සමීප සබඳතා ඉන්දීය ක්රිකට් පාලක මණ්ඩලය වෙත යටත් වන තත්ත්වයක් නිර්මාණය කර ඇති බවයි.
“ශ්රී ලංකා ක්රිකට් නිලධාරීන් සහ ජේ ෂා අතර ඇති සම්බන්ධය නිසා ඔවුන්ට ශ්රී ලංකා ක්රිකට් පාගා දමා පාලනය කළ හැකි බවට හැඟීමක් ඔවුන්ට තිබෙනවා,” රණතුංග ප්‍රකාශ කළේය.
“ශ්රී ලංකා ක්රිකට් පවත්වාගෙන යන්නේ ජේ ෂා විසින්. ශ්රී ලංකා ක්රිකට් ක්‍රීඩාව විනාශ වෙන්නේ ජේ ෂාගේ පීඩනය නිසා. ඉන්දියාවේ එක මිනිහෙක් ශ්රී ලංකා ක්රිකට් විනාශ කරනවා, ඔහු බලවත් වන්නේ ඔහුගේ පියා නිසා පමණයි, ඉන්දියාවේ සිටින ස්වදේශ කටයුතු ඇමැතිවරයා.” අර්ජුන රණතුංග අවධාරණය කළේය.
ශ්රී ලංකා ක්රිකට් ආයතනයේ පාලනයට දේශපාලන ඇඟිලිගැසීම් පවතින බව පවසමින් ශ්රී ලංකා ක්රිකට් ආයතනය අන්තර්ජාතික ක්රිකට් කවුන්සිලය විසින් සිකුරාදා අත්හිටුවන ලදී.
