අතුරුදන් වූ ශ්‍රී ලාංකික බිරිය සහ දරුවා සොයා දෙන ලෙස ජපන් ජාතිකයකු පොලිස් සංචාරක කොට්ඨාසය වෙත පැමිණිල්ලක් ඉදිරිපත් කර තිබේ.

සිය 54 හැවිරිදි බිරිය සහ 15 හැවිරිදි දරුවා අගෝස්තු මස 22 දින ලංකාවට පැමිණ ඇති අතර, පසුව ඔවුන් නැවතත් ජපන් රටට නොපැමිනි බව සඳහන් කරමින් අදාළ ජපන් ජාතිකයා මෙලෙස පොලිස් සංචාරක කොට්ඨාසය වෙත ඊමේල් මාර්ගයෙන් මෙම පැමිණිල්ල ඉදිරිපත් කර ඇති බව අනාවරණය වේ.

පොලිස් සංචාරක කොට්ඨාසය විසින් ජපන් ජාතිකයා ලබාදී ඇති ලංකාවේ ලිපිනයන් අනුව එම සම්බන්ධව සොයා බැලීමට මේ වන විටත් පියවර ගෙන ඇති බව උසස් පොලිස් වාර්තා සඳහන් කරයි.