ශ්‍රී ලංකාව ගුවන් යානා ප්‍රතිචක්‍රීකරණය කිරීමේ කලාපීය මධ්‍යස්ථානයක් බවට පත්කිරීම සඳහා Aitken Spence Ltd ඉදිරි මාස කිහිපය තුළ හොංකොං පදනම් කරගත් හවුල්කරුවකු සමඟ හම්බන්තොටදී හවුල් ව්‍යාපාරයක මෙහෙයුම් ආරම්භ කිරීමට නියමිතව තිබේ.

මේ යටතේ Aitken Spence විසින් ප්‍රතිචක්‍රීකරණය සඳහා යොමුකරන විශ්‍රාමික ගුවන් යානා කඩා ඉවත් කර ප්‍රති අපනයනය කිරීමේ මූලික සැලසුම් සමඟින් ගුවන් යානා ප්‍රතිචක්‍රීකරණයට සම්බන්ධ හොංකොං හි පිහිටි Zone 600 සමාගම සමඟ හවුල් ව්‍යාපාරයකට අත්සන් කිරීමට නියමිතය.

කලාපයේ වෙනත් කිසිදු ප්‍රමුඛ තරඟකරුවකු නොමැති බැවින් මෙය ගුවන් යානා ප්‍රතිචක්‍රීකරණය කිරීමේ කේන්ද්‍රස්ථානයක් බවට පත්වනු ඇති බවට විශ්වාස කෙරේ.

ශ්‍රී ලංකාව මේ සඳහා විශේෂයෙන් තෝරාගෙන ඇත්තේ එය ආර්ථික වශයෙන් ශක්‍ය බැවින් සහ හම්බන්තොට පවතින විශාල භූමි ප්‍රමාණය නිසාය.

යුරෝපය, ඕස්ට්‍රේලියාව, ජපානය, චීනය, එක්සත් ජනපදය සහ නෙදර්ලන්තය යන රටවල පිහිටා ඇති අනෙකුත් බොහෝ පහසුකම් සහිත එවැනි ව්‍යාපාර හා සැසඳීමේ දී කලාපය තුළ පළමුවැන්න මෙය වනු ඇත.

ගුවන් යානා ප්‍රතිචක්‍රීකරණය ශ්‍රී ලංකාව තුළ මේ මොහොතේ සිදු කළ නොහැකි බැවින් එය සිදු නොකරන බව දැනගන්නට ඇත.

එන්ජින් ප්‍රතිඅපනයනය කරන අතර ගොඩබෑමේ ගියර් සහ අනෙකුත් ඉලෙක්ට්‍රොනික කොටස් අයිතිකරුවන් වෙත යවනු ලැබේ.

හෝටල් සහ ආපනශාලා බවට පත් කිරීම සඳහා යානයේ බඳ කොටස සහ අනෙකුත් කොටස් භාවිත කිරීමට සමාගම දැනට වෙනත් පාර්ශ්ව සමඟ සාකච්ඡා කරමින් සිටී.

කෙසේවෙතත්, මෙම මෙහෙයුම් කොටස ක්‍රියාත්මක වීමට පෙර මේවාට යම් කාලයක් ගතවනු ඇත.

මාස එකහමාරක නියමු ව්‍යාපෘතියට ඇතුළත් වන්නේ යානය විසුරුවා හැරීම සහ කඩා දැමූ ගුවන් යානා සියයට සියයක් ප්‍රතිඅපනයනය කිරීම පමණි.

පසුව, වෙනත් අරමුණු සඳහා යානයේ ලෝහ කොටස් උණු කිරීම වැනි දැනට සාකච්ඡාවට ලක්ව ඇති අනෙකුත් සැලසුම්වලට සමාගම සම්බන්ධ වනු ඇත.

කෙසේවෙතත්, මෙය අනෙකුත් පාර්ශ්ව සමඟ එක්ව සිදු කළ යුතු බවද ආරංචි මාර්ග සඳහන් කරයි.

එපමණක් නොව, හම්බන්තොට වරායට ද සමීපව පිහිටා ඇති බැවින් මෙම පහසුකම ඇති ස්ථානය ප්‍රතිඅපනයනය කිරීමට ද උපකාරී වනු ඇත.

මූලික අදියරේදී මෙහෙයුම් ක්‍රියාත්මක කිරීම සඳහා විදේශීය විශේෂඥතාවන් ගෙන එනු ලබන නමුත් මෙහෙයුම් ක්‍රියාත්මක කිරීම සඳහා ශ්‍රී ලාංකීය දක්ෂ කාර්මික ශිල්පීන් සහ ඉංජිනේරුවන් ද යොදවනු ඇත.

අවම වශයෙන් සමාගම් තුනක් තම ගුවන් යානා ප්‍රතිචක්‍රීකරණය සඳහා මෙම පහසුකම වෙත යොමුකරවා ගැනීමට එකඟ වී ඇති අතර ඒ යටතේ යානා කඩා ඉවත් කර ප්‍රතිඅපනයනය කරනු ලැබේ.

ඕස්ට්‍රේලියාව පදනම් කරගත් ශ්‍රී ලාංකිකයකු විසින් පවත්වාගෙන යන සමාගමක් ඒ සඳහා පළමුව යොදා ගනු ඇත.

ශ්‍රී ලංකාව ගුවන් යානා කඩා ඉවත් කිරීමේ බාහිර හවුල්කරු බවට පත් වේ.

මෙම සමාගම දැනටමත් Cathay Pacific වැනි ගුවන් සමාගම් සමඟ සමාන මෙහෙයුම්වලට සම්බන්ධ වී ඇත.

මධ්‍යම පරිසර අධිකාරියේ සහ පරමාණුක බලශක්ති නියෝජිතායතනයේ නිලධාරීන්ට අනුව, ගුවන් යානා ප්‍රතිචක්‍රීකරණ මධ්‍යස්ථානයේ මෙහෙයුම් මූලිකව ක්‍රියාත්මක කිරීම සඳහා අවශ්‍ය සියලුම අනුමැතිය ලබාගෙන ඇත.