අන්තර්ජාතික මූල්‍ය අරමුදලේ(IMF) කාර්ය මණ්ඩලය සහ ශ්‍රී ලංකා බලධාරීන් සිකුරාදා (25) ආර්ථික ප්‍රතිපත්ති පිළිබඳ කාර්ය මණ්ඩල මට්ටමේ එකඟතාවයකට පැමිණ ඇති අතර, IMF හි විස්තීර්ණ අරමුදල් පහසුකම මගින් සහාය දක්වන ශ්‍රී ලංකාවේ ප්‍රතිසංස්කරණ වැඩසටහනේ සිව්වැනි සමාලෝචනය අවසන් කර ඇත.

IMF විධායක මණ්ඩලය විසින් එම සමාලෝචනය අනුමත කළ පසු, ශ්‍රී ලංකාවට ඇමරිකානු ඩොලර් මිලියන 344 ක පමණ මූල්‍යකරණයක් ලබාගත හැකි බව IMF පවසයි.

ආර්ථික වර්ධනය යථාතත්ත්වයට පත්වෙමින් පවතින බව සඳහන් කරමින්, ශ්‍රී ලංකාවේ වැඩසටහන් කාර්ය සාධනය සමස්තයක් ලෙස ශක්තිමත්ව පවතින බව IMF වැඩිදුරටත් සඳහන් කරයි.

ශ්‍රී ලංකාවේ ආදායම් රැස්කිරීම, සංචිත එක්කිරීම සහ ආර්ථිකයේ ව්‍යුහාත්මක ප්‍රතිසංස්කරණ අපේක්ෂා කළ පරිදි ඉදිරියට යන බවද IMF පවසයි.

රටේ ණය ප්‍රතිව්‍යුහගතකරණය කිරීම බොහෝදුරට සම්පූර්ණ වී ඇති බවත්, වැදගත් ලෙස, රජය වැඩසටහනේ අරමුණු සඳහා කැපවී සිටින බවත් IMF තවදුරටත් සඳහන් කරයි.