ශ්‍රී ලංකාව මේ වන විට ආසියානු කුසලානයේ එක් තරගයක් ක්‍රීඩා කර එය ජයග්‍රහණය කර ඇත. නමුත් අද ඇෆ්ගනිස්තානයට එරෙහිව සිදුකර ගන්නා අත්වැරදීම් හේතුවෙන් තරගාවලියෙන් ඉවත් විය හැකිය. තරගාවලියේ ස්වභාවය එය වේ. නමුත් ඒ සඳහා ඇෆ්ගනිස්ථානය ජයගත යුතුය, එය විශාල ජයග්‍රහණයක් විය යුතුය. කෙතරම් විශාල විය යුතුද යන්න නිශ්චිත තරගයේ තත්ත්වය මත රඳා පවතින නමුත් උපකල්පනය නම් ඇෆ්ගනිස්ථානය පළමුව පන්දුවට පහරදී ලකුණු 275ක් ලබා ගෙන අවම වශයෙන් ලකුණු 68ක පරතරයකින් ජය ගතයුතුය. නැතහොත් පන්දුවාර 35ක් හෝ ඊට අඩු සීමාවකදී ඕනෑම ඉලක්කයක් හඹා යා යුතුය.

විශේෂයෙන් ලකුණු ලබා ගැනීම සඳහා වඩා සුදුසු ලාහෝර් තනතීරුව මත මෙය ශ්‍රී ලංකාවට ඉතා හොඳ වාසියකි. පසුගිය මාසය පුරාවට – මූලික වශයෙන් LPL කාලය තුළදී – ඉතා අඩු පිතිකරු-හිතකාමී තණතීරු මත ක්‍රීඩා කළ ශ්‍රී ලංකාවේ පිතිකරුවන්ට මෙය තරමක් සහනයක් වනු ඇත.

ඒ අනුව, කාසියේ වාසිය තරමක් විශාල කාර්යභාරයක් ඉටු කිරීමට ඉඩ තිබේ. දෙවනුව පන්දු යවන කණ්ඩායමට පින්න සමඟ පොරබැදීමට සිදු විය හැකි නමුත්, ලාහෝර් උණුසුමේ දී ඔවුන් එසේ කිරීමට සිදු වනු ඇති බැවින්, පළමුවෙන් පන්දු යැවීම තෝරා නොගෙන සිටීමට එය හොඳ තර්කයකි. ඇෆ්ගනිස්තානයට එරෙහිව ඉරිදා තරඟයේ ජයග්‍රහණයෙන් පසු අදහස් දක්වමින්, බංග්ලාදේශ නායක ෂකීබ් අල් හසන් එය ඔවුන් එම තරඟය ජයග්‍රහණය කිරීමට ප්‍රධාන හේතුවක් ලෙස අනපේක්ෂිත ලෙස සඳහන් කළේ, ඇෆ්ගනිස්ථානයට පන්දු වාර 50ක් දැඩි උණුසුමේ පන්දු රැකීමෙන් පසුව පන්දුවට පහර දීම පහසු නොවන බව පෙන්වා දෙමිනි.

පිටියේ තත්ත්වය පසෙක තැබුවහොත් ශ්‍රී ලංකාව මුහුණ දෙන ඇෆ්ගනිස්ථානය සමග තරගය තරමක් සමබර විය යුතුය. මෙම දෙපිල අතර අවසන් වූ අවසන් එක්දින තරග පහෙන් ශ්‍රී ලංකාව එය 3-2ක් ලෙස ඉදිරියෙන් සිටී. නමුත් පිටියට පිවිසෙන්නේ හොඳම පන්දු යවන්නන් නොමැති ශ්‍රී ලංකා කණ්ඩායමකි.

ඇෆ්ගන් කණ්ඩායම සම්බන්ධයෙන් බලාපොරොත්තු තබා ගත හැකි වුවත් බංග්ලාදේශය සමග තරගය දෙස බැලීමේදී තවමත් ශ්‍රී ලංකාවට වාසිදායක ලෙස කරුණු පෙළ ගැසී තිබේ. තරගයකදී කඩුලු දහයක් දවා ගැනීමට ප්‍රමාණවත් පන්දු යවන්නන්ගේ බලඇණියක් ඔවුන් සතුව ඇති බව පෙන්නුම් කළ අතර, ඇෆ්ගනිස්තානයට තවමත් ඔවුන්ගේ පිතිකරුවන් මුල් පෙලින් පසු ශක්තිමත් නැතැයි යන මතය ප්‍රතික්ෂේප කිරීමට සිදුව තිබේ.

ක්‍රීඩා කළ හැකි කණ්ඩායම්

ඇෆ්ගනිස්තාන පන්දු යවන්නන් බංගලාදේශය හමුවේ දැඩි ප්‍රහාරයකට ලක් විය. ඒ අනුව  කරීම් ජනත් හෝ ගුල්බඩින් නයිබ් වෙනුවට නූර් අහමඩ් විකල්පයක් වන අතර මැදපෙළ ශක්තිමත් කිරීමට රියාස් හසන් ද සංචිතයේ සිටී.

ඇෆ්ගනිස්ථානය : 1 රහ්මානුල්ලා ගුර්බාස් (කඩුලු රකින්නා), 2 ඊබ්‍රාහිම් සද්‍රාන්, 3 රහමත් ෂා, 4 හෂ්මතුල්ලා ෂාහිඩි (නායක), 5 නජිබුල්ලා සද්‍රාන්, 6 මොහොමඩ් නබි, 7 ගුල්බඩින් නයිබ් 8 කරීම් ජනත්, 9 රෂීඩ් ඛාන්, 9 මුජීබ් උර් රහුමාන්, 9 , 11 ෆසාල්හක් ෆරුකි

කුසල් පෙරේරා කණ්ඩායමට ඇතුළත් කළහොත් දිමුත් කරුණාරත්න හෝ පැතුම් නිශ්ශංකගෙන් කෙනකුට එළියට යෑමට සිදුවනු ඇති නමුත් ශ්‍රී ලංකාව නොවෙනස් 11 දෙනා සමඟින් තරග වැදීමට ඉඩ ඇත. දුෂාන් හේමන්ත ද විකල්පයක් වේ.

ශ්‍රී ලංකාව : 1 දිමුත් කරුණාරත්න, 2 පැතුම් නිශ්ශංක, 3 කුසල් මෙන්ඩිස් (කඩුලු රකින්නා), 4 සධීර සමරවික්‍රම, 5 චරිත් අසලංක 6 ධනංජය ද සිල්වා, 7 දසුන් ශානක (නායක), 8 දුෂාන් හේමන්ත / දුනිත් වෙල්ලාලගේ, 9 මහේෂ් තීක්ෂණ , 10 කසුන් රාජිත 11 මතීෂ පතිරණ

තණතීරුවේ ස්වභාවය

ලාහෝර් හි 300 සීමාව පසුකිරීම ඉතා හොඳ ලකුණු පුවරුවකි. බංග්ලාදේශය අවසන් වරට වැඩි කරදරයකින් තොරව ලකුණු 334 ක් ලබා ගත්තේය. කාලගුණය ද උණුසුම් හා තෙත් වනු ඇතැයි අපේක්ෂා කරන අතර, සවස් වන විට එය අංශක 26ක් පමණ වුවත් දිවා කාලයේදී උෂ්ණත්වය සෙල්සියස් අංශක 37 දක්වා ඉහළ යා හැකිය. කාසියේ වාසිය දිනාගෙන පළමුව පන්දුවට පහර දීම අමනෝඥ නොවේ.