March 30, 2025
එක්සත් රාජධානිය, ඕස්ට්‍රේලියාව, ඉන්දියාව සහ කැනඩාව ඇතුළු පොදුරාජ්‍ය මණ්ඩලයීය රටවල් 53ක අධිකරණ විනිශ්චයන් අන්‍යෝන්‍ය වශයෙන් පිළිගැනීම, ලියාපදිංචි කිරීම සහ බලාත්මක කිරීම සඳහා මෙම සතියේ සිට පහසුකම් සැපයීමට ශ්‍රී ලංකාව තීරණය කර තිබේ.
ඒ අනුව, පනත ක්‍රියාත්මක කිරීම සඳහා බලපැවැත්වෙන දිනය මාර්තු 26 බව අධිකරණ අමාත්‍ය හර්ෂණ නානායක්කාර විසින් ගැසට් නිවේදනයක් නිකුත් කර ඇත.
ශ්‍රී ලංකාව විසින් 2024 දී විදේශීය විනිශ්චයන් අන්‍යෝන්‍ය වශයෙන් පිළිගැනීම, ලියාපදිංචි කිරීම සහ බලාත්මක කිරීමේ පනත සම්මත කළේය.
වෙනත් රටවල අධිකරණවලින් ලැබෙන විනිශ්චයන් අන්‍යෝන්‍ය වශයෙන් පිළිගැනීම, ලියාපදිංචි කිරීම සහ බලාත්මක කිරීම සඳහා පහසුකම් සැලසීම මෙම පනතේ අරමුණයි.
දශක කිහිපයක් තිස්සේ ක්‍රියාත්මක වන පෙර විධිවිධාන අදාළ ආඥා පනත මගින් අවලංගු කරන ලදී.
විදේශ රටක ලබා දී ඇති දික්කසාද නියෝගයක් ක්‍රියාත්මක කිරීම පිළිබඳ නියෝගයක් ඉල්ලා ගොනුකළ පෙත්සමක අභියාචනාධිකරණ තීන්දුවකින් පසුව මෙම පනත හඳුන්වා දෙන ලදී.
අධිකරණ අමාත්‍යාංශයේ ජ්‍යෙෂ්ඨ නිලධාරියකු පැවසුවේ මුලදී පොදුරාජ්‍ය මණ්ඩලයීය රටවල් ආවරණය කර ඇති බවත්, ඔවුන්ගේ නීති සළකා බැලීමෙන් පසු තවත් රටවල් එකතු කරන බවත්ය.
මෙම සතියේ නිකුත් කරන ලද ගැසට් නිවේදනයෙන් ආවරණය වන අනෙකුත් රටවල් අතර බංග්ලාදේශය, පකිස්ථානය, මාලදිවයින, සයිප්‍රසය, කෙන්යාව, මැලේසියාව, දකුණු අප්‍රිකාව, සිංගප්පූරුව සහ සිම්බාබ්වේ ඇතුළත් වේ.
