ඇෆ්ගනිස්ථානය, අයර්ලන්තය සහ ශ්‍රී ලංකා ඒ කණ්ඩායම් අතර එක්සත් අරාබි එමීර් රාජ්‍යයේ පැවැති තුන්කොන් එක්දින ක්‍රිකට් තරගාවලියේ ශුරතාව ජයගැනීමට ශ්‍රී ලංකා ‘ඒ’ කණ්ඩා⁣යම සමත් විය.

අවසන් මහා තරගයට අපරාජිතව සුදුසුකම් ලබා සිටි ශ්‍රී ලංකා ‘ඒ’ කණ්ඩා⁣යම අයර්ලන්ත ඒ කණ්ඩා⁣යම පරාජයට පත්කරමින් තරගාවලි ශුරතාව හිමිකරගන්නා ලදී.

තුන්කොන් එක්දින ක්‍රිකට් තරගාවලියේ අවසන් මහා තරගයේ පළමුව පන්දුවට පහරදුන් අයර්ලන්ත ‘ඒ’ කණ්ඩායමේ ඉනිම පන්දුවාර 47යි පන්දු 3කදි ලකුණු 200ට සීමාකිරීම⁣ට ශ්‍රී ලංකා ‘ඒ’ කණ්ඩා⁣යමේ පන්දු යවන්නෝ සමත්වූහ.

පිළිතුරු ඉනිම ක්‍රීඩාකළ ශ්‍රී ලංකා ‘ඒ’ කණ්ඩා⁣යම පන්දුවාර 34යි පන්දු 3කදී කඩුලු 05ක් දැවී ලකුණු 203ක් රැස්කරමින් අවසන් මහා තරගයේ ජය හිමිකරගන්නා ලදී.

එහිදි ශ්‍රී ලංකා ‘ඒ’ කණ්ඩා⁣යමේ පළමු කඩුලු 05ක් ලකුණු 43කට බිඳවැටුණු අවස්ථාවේ පිටියේ එක්වු පවන් රත්නායක සහ මිලාන් රත්නායක 06 වැනි කඩුල්ලට ලකුණු 160ක නොබිඳුණු පිතිකරණ සබදතාවක් පවත්වමින් ශ්‍රී ලංකා ඒ පිල ජයග්‍රාහණය කරා රැගෙන ගියහ.

පවන් රත්නායක සහ මිලාන් රත්නායක නොදැවී ලකුණු 77 බැගින් රැස්කළහ.