අන්තර්ජාතික ක්‍රිකට් කවුන්සිලය විසින් ශ්‍රී ලංකාවට ක්‍රිකට් තහනම පනවා ඇත්තේ ශ්‍රී ලංකා ක්‍රිකට් ආයතනයේ ඉල්ලීම මත බව සුප්‍රකට ESPN cricinfo වෙබ් අඩවිය ප්‍රකාශ කරයි.

ශ්‍රී ලංකාවේ ක්‍රිකට් සාමාජිකත්වය තහනම් කරමින් ඊයේ පස්වරුවේ තීරණය ගනු ලැබූ ICC රැස්වීමට ශ්‍රී ලංකා ක්‍රිකට් ආයතනයේ සභාපති ෂම්මි සිල්වා සහභාගී ඇති බව ESPN cricinfo අනාවරණය කරයි.

“ICCයේ තීරණය හදිසියේ ගත් එකක් බව පෙනෙන්නට තිබුණත් ශ්‍රී ලංකා ක්‍රිකට් ආයතනය ඉන් පුදුමයට පත් නොවන්නට ඇත. මෙම දැඩි පියවර ගන්නා ලෙස ශ්‍රී ලංකා ක්‍රිකට් ආයතනය ICC පාලක මණ්ඩලයෙන් ඉල්ලා සිටි බව දැනගන්නට ඇත. දැනට ඉන්දියාවේ සිටින සහ සිකුරාදා රැස්වීමට සහභාගී වූ ශ්‍රී ලංකා ක්‍රිකට් සභාපති ෂම්මි සිල්වා තේරී පත් වූ නියෝජිතයා ලෙස ICC විසින් දිගටම පිළිගනී. ICC මණ්ඩලය විසින් ශ්‍රී ලංකා ක්‍රිකට් නියෝජිතයන්ට නිරීක්ෂකයකු ලෙස සහභාගී වීමට අවසර දී ඇති බැවින් අහමදාබාද්හි පැවැත්වෙන ICC රැස්වීම් සඳහා ඔහු සහභාගී වීමට ද ඉඩ ඇත.” යැයි ESPN cricinfo වැඩිදුරටත් වාර්තා කරයි.