ආසියානු කණිෂ්ඨ මලල ක්‍රීඩා තරගාවලියේ මිශ්‍ර මීටර් 400×4 සහාය දිවීමේ ඉසව්වේ රන් පදක්කම දිනාගැනීමට ශ්‍රී ලංකා කණ්ඩායම අද(05) පස්වරුවේ  සමත්වූහ.

එහිදි ඔවුන්  වාර්තා කල කාලය විනාඩි 3 යි තත්ත්පර 25 යි දශම 41කි.

තරුෂි දිල්සරා, ජයේෂි උත්තරා, විනෝද් ආරියවංශ සහ ශෙහාන් දිල්රංග මිටර 400 මිශ්‍ර සහාය දිවිමේ තරගය සදහා ශ්‍රී ලංකාව නියෝජනය කරනු ලැබූහ.

ඒ අනුව ශ්‍රී ලංකාවට ආසියානු කනිෂ්ඨ තරගාවලියේ රන් පදක්කම් දෙකක්, රිදි පදක්කමක් සහ ලෝකඩ පදක්කම් 02 ක් සමගින් සමස්ත පදක්කම් 05ක් මේ වන විට හිමිව ඇත.