ශ්‍රී ලංකාව සහ නවසීලන්තය ප්‍රබල තරඟකරුවන් ලෙස සළකනු ලැබුවද ඔවුන්ගේ බලාපොරොත්තු සුන්කරනසුළු දස්කම් හේතුවෙන් 2024 T20 ලෝක කුසලානයේ ‘සුපිරි 8’ අදියරට පැමිණීමට කණ්ඩායම් දෙකටම හැකියාවක් නොලැබිණි.

ශ්‍රී ලංකාව සහ නවසීලන්තය 2024 T20 ලෝක කුසලාන තරඟාවලියෙන් නිල වශයෙන් ඉවතට විසිවී තිබේ.

ප්‍රමුඛ කණ්ඩායම් අතරින් නිල වශයෙන් 2024 T20 ලෝක කුසලානයෙන් ඉවත් වූ පළමු කණ්ඩායම ශ්‍රී ලංකාව විය.

වනිඳු හසරංග ප්‍රමුඛ කණ්ඩායම D කාණ්ඩයේ දකුණු අප්‍රිකාවට සහ බංග්ලාදේශයට එරෙහිව පිට පිට තරග දෙකක් පරාජය විය.

නේපාලයට එරෙහි තරගයේදී ශ්‍රී ලංකාව නැවත පැමිණීමට බලාපොරොත්තු වූ නමුත් ෆ්ලොරිඩාවට වර්ෂාවෙන් බාධා එල්ල වීමේ ප්‍රතිඵලයක් ලෙස තරගය කාසියේ වාසිය දැමීමකින් තොරවම අත්හැර දැමිණි.

තරග තුනකින් ජයග්‍රහණයක් නොමැති වීම නිසා ශ්‍රී ලංකාවට බංග්ලාදේශය සහ නෙදර්ලන්තය අතර තරගයේ ප්‍රතිඵලය මත විශ්වාසය තැබීමට සිදු ව තිබිණි.

බංග්ලාදේශය සහ නෙදර්ලන්තය අතර දෙවැනි ඉනිමේ ඕවර පහකින් පසුව තරගාවලියේ ශ්‍රී ලංකාවේ ඉරණම තීරණය විය.

දෙවැනි ඉනිමේ ප්‍රගතිය අනුව එක් කණ්ඩායමක ලකුණු ලබා ගැනීම ශ්‍රී ලංකාවට වඩා වැඩි විය.

නවසීලන්තය, ඇෆ්ගනිස්ථානය සහ සම සත්කාරක බටහිර ඉන්දීය කොදෙව්වන් හමුවේ කම්පන සහගත පරාජයන්ගෙන් පසු දැනටමත් 2024 T20 ලෝක කුසලානයෙන් ඉවත් වීමේ අද්දර සිටියේය.

ඇෆ්ගනිස්ථානයට එරෙහිව ලකුණු 160ක ඉලක්කයක් හඹා යමින් සිටියදී නවසීලන්ත පිල ලකුණු 75කට දැවී යෑම නිසා පිතිකරණ ලැයිස්තුව බිඳ වැටිණි.

තරඟ දෙකකින් පසුව, කේන් විලියම්සන්ගේ නායකත්වයෙන් යුත් බ්ලැක් කැප්ස් ලෙස හඳුන්වන නවසීලන්ත කණ්ඩායම තරඟාවලියෙන් ඉවත් වීම බොහෝ දුරට තහවුරු වී ඇති නමුත්, පැපුවා නිව්ගිනියාව ඇෆ්ගනිස්ථානය පරාජය කිරීම හේතුවෙන් ඔවුන් සුපර් 8 සුදුසුකම් සඳහා සිහින් බලාපොරොත්තු තබා ගෙන තිබිණි.

කෙසේ වෙතත්, තරගයේ ප්‍රතිඵලය වෙනත් ආකාරයකින් සිදු වූ අතර නවසීලන්තයට සිය කටයුතු කණ්ඩායම් අදියරේදීම අවසන් කිරීමට සිදු විය.

ඒ අනුව නවසීලන්තය T20 ලෝක කුසලානයේ දෙවැනි වටයට සුදුසුකම් ලැබීමට අපොහොසත් වුයේ පළමු වරටයි.

ශ්‍රී ලංකාව සහ නවසීලන්තය සමඟ නැමීබියාව, ඕමානය සහ පැපුවා නිව්ගිනියාව ද 2024 T20 ලෝක කුසලානයෙන් ඉවතට විසිවිය.