අගමැති දිනේෂ් ගුණවර්ධනගේ ආරාධනයකට අනුව අධ්‍යාත්මික නායක ගුරුදේව් ශ්‍රී ශ්‍රී රවි ශංකර් මැයි 18 සිට 20 දක්වා ශ්‍රී ලංකාවේ සංචාරය කිරීමට නියමිතය.

මෙය ගුරුදේව් මෙරටට පැමිණි හයවැනි අවස්ථාවයි.

ශ්‍රී ලංකාවේ දහස් ගණනක් දෙනා ගුරුදේව් දිවයිනට පැමිණෙන තෙක් බලා සිටින අතර, මෙම සංචාරය අතරතුර, ගුරුදේව් මැයි 19 වන දින ටාජ් සමුද්‍රා හි ‘එකමුතුව: සංගීතය, භාවනාව සහ ප්‍රඥාවේ සැන්දෑවක්’ යන මැයෙන් පැවැත්වෙන ප්‍රසිද්ධ රැස්වීමක් අමතනු ඇත.

මෙම සංචාරයේදී රට පුරා කළා නිපුණතා සංවර්ධන මධ්‍යස්ථාන 12ක් විවෘත කෙරේ.

මෙම මධ්‍යස්ථානවල අරමුණ වන්නේ තරුණ තරුණියන් 5000 කට අධික සංඛ්‍යාවක් රැකියා සඳහා සූදානම් කිරීමට කුසලතා සවිබල ගැන්වීමයි.

නුවරඑළිය සීතා අම්මාන් කෝවිලේ පැවැත්වෙන ‘කුම්බාභිෂේකම්’ උත්සවයට ගුරුදේව් සහභාගී වීමට නියමිතය.

නැගෙනහිර පළාත් ආණ්ඩුකාරවරයාගේ ආරාධනයකට අනුව ඔහු ත්‍රිකුණාමලයටද යන අතර එහිදී ගුරුදේව්ට ගෞරවය පිණිස ප්‍රජා වැඩසටහන් සංවිධානය කර ඇත.