පාර්ලිමේන්තුවේදී එල්ල වූ චෝදනා රැසකට පිළිතුරු දෙමින් කථානායකවරයා සභාවට දන්වා සිටියේ පොලිස්පතිවරයා පත්කිරීමට ගත් තීරණය නිවැරදි බවත් එය සද්භාවයෙන් ක්‍රියාත්මක වූ බවත්ය.

එය බොහෝ ආකාරවලින් අර්ථකථනය කළ හැකි නමුත් එය බොහෝ සාකච්ඡා කර සළකා බැලීමෙන් පසුව ගත් නිවැරදි තීරණය බව කථානායක මහින්ද යාපා අබේවර්ධන පාර්ලිමේන්තුවට පැවසීය.

“ආණ්ඩුක්‍රම ව්‍යවස්ථා සභාව සහ පාර්ලිමේන්තු අනුමැතිය ඇතිව පත්කරන නිලධාරීන් සඳහා වෙනම ප්‍රතිපාදන තිබෙනවා. එවැනි නිලධාරියකු ඉවත් කරන්නේ නම් ඒ සඳහා අනුගමනය කළ යුතු විශේෂ ක්‍රමවේදයක් තිබෙනවා. එසේ නොවුණොත් ප්‍රශ්නය නැවත ශ්‍රේෂ්ඨාධිකරණයට යා යුතු වෙනවා. ජනාධිපතිතුමාටවත් දැන් මේ ගැන තීරණයක් ගන්න බැහැ.” කථානායකවරයා පැවසීය.

කථානායකවරයා වැරදි බව විශ්වාස කරන්නේ, නම් ඒ පිළිබඳව අධිකරණයට කරුණු ඉදිරිපත් කරන ලෙස ඔහු මන්ත්‍රීවරුන්ගෙන් ඉල්ලා සිටියේය.