ගෝලීය ණය ශ්‍රේණිගතකරණය කිරීමේ ප්‍රධාන ආයතන ත්‍රිත්වයෙන් එකක් වන ස්ටෑන්ඩර්ඩ් ඇන්ඩ් පුවර්ස් (S&P Global Rating) පවසන්නේ, පැහැර හරින ලද ශ්‍රීලන්කන් එයාර්ලයින්ස් බැඳුම්කරයක් තවමත් ප්‍රතිව්‍යුහගතකරණය කර නොමැති බැවින් ශ්‍රී ලංකාවේ ණය වර්ගීකරණය ඉහළ නොදමා තවදුරටත් පවතින තත්ත්වයේ පවත්වා ගන්න බවයි.

ඩොලර් මිලියන 175 ක ශ්‍රී ලංකන් එයාර්ලයින්ස් බැඳුම්කරයක් මෙලෙස ශ්‍රී ලංකා රජය විසින් පැහැර හරිනු ලැබ තිබේ.

“ශ්‍රී ලංකන් එයාර්ලයින්ස් විසින් නිකුත් කරන ලද රජය විසින් සහතික කරන ලද බැඳුම්කරය ඇතුළුව ශ්‍රී ලංකාව එහි ඉතිරි විදේශ ව්‍යවහාර මුදල්-නම් කරන ලද වාණිජ ණය ප්‍රතිව්‍යුහගතකරණය කිරීම සම්පූර්ණ කළ පසු අපට අපගේ දිගුකාලීන විදේශ මුදල් ස්වෛරී ණය ශ්‍රේණිගතකරණය කිරීම ඉහළ නැංවිය හැකිය” යනුවෙන් S&P Global Rating නිවේදනයක් නිකුත් කරමින් කියාසිටියි.

කෙසේවෙතත් ලොව අනෙකුත් ප්‍රමුඛතම ණය ශ්‍රේණිගතකරණය කිරීමේ ආයතන දෙක වන ෆිච් සහ මූඩීස් යන සමාගම් ශ්‍රීලන්කන් ගුවන් සේවයේ කැපී පෙනෙන බැඳුම්කර තිබියදීත් ශ්‍රී ලංකාවේ ස්වෛරී ණය ශ්‍රේණිගත කිරීම ඉහළ නංවා ඇත.

සිය ස්වෛරී ණය පිළිබඳ අවසන් එකඟතාවකට පැමිණීමට පසුගියදා ශ්‍රී ලංකාව සමත්වීමත් සමග ෆිච් සහ මූඩීස් යන ආයතන මෙලෙස ශ්‍රී ලංකාවේ ණය අවදානම අඩුකිරීමට පියවර ගෙන තිබිණි.