දක්ෂිණ අධිවේගී මාර්ගයේ වැලිපැන්න සේවා ප්‍රදේශය අසළදී කොළඹ දෙසට ධාවනය වූ මංතීරුවේ වැරදි දිශාවට වාහනයක් ධාවනය කළ පුද්ගලයකු අත්අඩංගුවට ගෙන තිබේ.

පොලිසිය පවසන පරිදි මානසික සෞඛ්‍ය ප්‍රතිකාර සඳහා ගාල්ලේ සිට කොළඹ බලා යමින් සිටි මෙම පුද්ගලයා, රියදුරු විවේකාගාරය භාවිත කිරීම සඳහා වාහනය සේවා ස්ථානයේ නතර කළ අවස්ථාවේදී, රථය රැගෙන ධාවනය කර ගෙන ඇත.

සැකකරු කොළඹ දෙසට දිවෙන මංතීරුවේ ප්‍රතිවිරුද්ධ දිශාවට වාහනය පදවාගෙන යාම නිසා අනෙකුත් රියදුරන් සැළකිය යුතු අවදානමකට මුහුණදී ඇත.

මෙම සිද්ධිය අධිවේගී මාර්ගයේ ගමන් ගත් තවත් වාහනයක ඩෑෂ් කැමරාවක සටහන්ව තිබිණි.