අද අලුයම මාන්කුලම් වසන්තනගර් ප්‍රදේශයේදී ලොරි රථයක් හමුදා කැබ් රථයක ගැටීමෙන් සෙබළකු මියගොස් තවත් 09 දෙනකු තුවාල ලබා තිබේ.

පොලිසිය පැවැසුවේ, මාන්කුලම් සිට කිලිනොච්චිය දෙසට ධාවනය වූ ලොරි රථය ඉදිරියෙන් පැමිණි කැබ් රථයේ ගැටීමෙන් අනතුර සිදුව ඇති බව ය.

තුවාල ලැබූ සෙබළුන් වහා කිලිනොච්චිය රෝහලට ඇතුළත් කර ඇති අතර, ඉන් එක් සෙබළකු තුවාල ලබා ඇතුළත් කිරීමේදී මිය ගොස් ඇත.

මියගොස් ඇත්තේ මුරුක්කන්ඩි යුද හමුදා කඳවුරට අනුයුක්තව සේවය කළ 39 හැවිරිදි ශ්‍රී ලංකා යුද හමුදාවේ සැරයන්වරයෙකි.

අනතුර සම්බන්ධයෙන් ලොරි රථයේ රියදුරු අත්අඩංගුවට ගෙන ඇත.