සමගි ජන බලවේගයෙන් සහාය ලබාදෙන බව පැවසූ මන්ත්‍රීවරුන් 25 දෙනා ජූලි මස 15 වැනි දිනට පෙර එක්කර ගන්නා ලෙස  ශ්‍රී ලංකා පොදුජන පෙරමුණ ජනාධිපති වික්‍රමසිංහට දෙවැනි වරටත් දැනුම් දී ඇතැයි වාර්තා වේ.

එසේ එක්වන බව කියන විපක්ෂ මන්ත්‍රීවරු 25දෙනා සම්බන්ධ කරගැනීමට නොහැකි වුවහොත් පොදුජන පෙරමුණින් වෙනම ජනාධිපති අපේක්ෂකයෙක් ඉදිරිපත් කරන බවද පසුගිය සතියේ පැති සාකච්ඡාවකදී අවධාරණය කර ඇතැයි පැවැසේ.

මේ අතර පොදුජන පෙරමුණින් ජනාධිපති අපේක්ෂකත්වය බලාපොරොත්තුවෙන් සිටින කිහිපදෙනකු සමග එම පෙරමුණ පසුගිය සතියේදී සාකච්ඡා ආරම්භ කර තිබේ.

තවද පොහොට්ටුවේ බිම්මට්ටමින් පොදුජන පෙරමුණේ අපේක්ෂකයකු ඉදිරිපත් කරන ලෙසට දැඩි බලපෑම් එල්ල වී ඇතැයි වාර්තා සඳහන් කරයි.