ශ්‍රී ලංකා රජය සතු කැන්විල් හෝල්ඩින්ග්ස් හි (Canwill Holdings (Pvt) Ltd) රජයේ කොටස් මිලදී ගැනීම සඳහා ඉදිරිපත්වූ සමාගම් හයක් ලංසුකරුවන් ලෙස පූර්ව සුදුසුකම් ලබා තිබේ.

මුදල් අමාත්‍යාංශයේ රජය සතු ව්‍යවසාය ප්‍රතිව්‍යුහගතකරණය කිරීමේ ඒකකයට අනුව, පූර්ව සුදුසුකම් ලත් ලංසුකරුවන් අතරින් 5ක් ඉන්දියානු සමාගම් වන අතර ඉතිරිය දේශීය සමාගමක් වේ.

යෝජනා ඉදිරිපත් කිරීමේ අවසන් දිනය 2023 දෙසැම්බර් 12 වැනි සිකුරාදා පස්වරු 2ට අවසන් විය.

2023 ජූලි මාසයේදී ඇමැති මණ්ඩලය විසින් අනුමත කරන ලද රජය සතු ව්‍යවසායන් බෙදාහැරීම පිළිබඳ විශේෂ මාර්ගෝපදේශ මත පදනම්ව මෙම ලංසුකරුවන් ඇගයීමට ලක්කර තිබේ.

Deloitte Touche Tohmatsu India (Deloitte India) ආයතනය Canwill Holdings (Pvt) Ltd හි ශ්‍රී ලංකා රජය සතු කොටස් බෙදා හැරීමේ ගනුදෙනු උපදේශක ලෙස ක්‍රියා කරයි.