ගල්කිස්ස, වටරප්පල පාර ප්‍රදේශයේ අද(07) අලුයම සිදු වූ වෙඩි තැබීමකින් පුද්ගලයෙකු මියගොස් තිබේ.

නිවසේ රැඳීසිටි දෙදෙනෙක් ඉලක්ක කර වෙඩි තැබීම සිදුව ඇති බව පොලිසිය පවසයි.

වෙඩි වැදීමෙන් තවත් අයෙකු තුවාල ලබා රෝහල්ගත කර තිබේ.

අද අලුයම 4.35ට පමණ වෙඩි තැබීම සිදුව ඇති අතර නාඳුනන තුවක්කරුවන් දෙදෙනෙක් විසින් යතුරු පැදියකින් පැමිණ වෙඩි තැබීම සිදුකර ඇතැයි පොලීසිය සඳහන් කරයි.

සිද්ධිය සම්බන්ධයෙන් වැඩිදුර විමර්ශන ක්‍රියාත්මක වේ.