බීර නිෂ්පාදනය සඳහා කැකුළු සහල් භාවිතය ඉහළ යෑම හේතුවෙන් වෙළෙඳපොළේ සහල් හිඟයක් වර්ධනය වෙමින් පවතින බව කුඩා හා මධ්‍ය පරිමාණ සහල් මෝල් හිමියන්ගේ සංගමය පවසයි.

එම සංගමයට අනුව, මෙම හිඟය ඇති වන්නේ බීර පෙරීමට අවශ්‍ය කරන කැකුළු සහල් නිෂ්පාදනය කිරීම සඳහා ‘නාඩු’ වී භාවිත කිරීම මගිනි.

එමගින් නිත්‍ය සහල් නිෂ්පාදනය සඳහා සැපයුම සීමා කරන බව එම සංගමය පෙන්වාදෙයි.

සහල් මිල ස්ථාවර කිරීම සඳහා රජයේ මැදිහත්වීම ඉල්ලා සිටිමින් ගොවීන් ද එවැනිම ගැටලු මීට පෙර මතු කර තිබිණි.