සෝමාලියාවේ වෙරළ ආසන්නයේදී මුහුදු කොල්ලකරුවන් ඉන්දියානු නාවිකයන් සහිත නෞකාවක් පැහැරගෙන තිබේ.

ඉන්දීය නාවික හමුදාව සිකුරාදා ප්‍රකාශ කළේ, පැහැරගත් භාණ්ඩ ප්‍රවාහන නෞකාවක් වන ‘MV Lila Norfolk’ සමීපව නිරීක්ෂණය කරන බවයි.

නිලධාරියෙකුට අනුව, ලයිබීරියානු ධජය සහිත යාත්‍රාවේ ඉන්දියානු කාර්ය මණ්ඩලය 15 දෙනෙකු සිටිති.

“ඉන්දියානු නාවික හමුදාවේ ගුවන් යානා නෞකාව සම්බන්ධයෙන් සෝදිසියෙන් සිටින අතර කාර්ය මණ්ඩලය සමඟ සන්නිවේදනය පවත්වාගෙන යමින් සිටී” යැයි හමුදා නිලධාරියෙක් පවසා ඇත.

මෙම නෞකාව එක්සත් රාජධානියේ සමුද්‍රීය වෙළඳ මෙහෙයුම් ද්වාරය වෙත පණිවිඩයක් යවා, ජනවාරි 04 වන දින සවස නාඳුනන සන්නද්ධ පුද්ගලයන් 05 සිට 06 දක්වා පිරිසක් නෞකාවට ගොඩ වූ බව ප්‍රකාශ කර තිබේ.

ඉන්දීය යුද නෞකාවක් වන ‘INS චෙන්නායි’ නෞකාව මෙම නෞකාවට සහායවීමට යොදවා ඇති අතර, සිකුරාදා නාවික හමුදාවට අයත් ගුවන් යානයක්, පැහැරගත් නෞකාවට ඉහලින් උඩින් පියාසර කර, එය සමඟ සබඳතා ගොඩනඟා ගත් බව ඉන්දීය නාවික හමුදාව වැඩිදුරටත් පවසයි.