April 20, 2025
වාහන අංක තහඩු සැපයුම්කරුවෙක් තෝරාගැනීම සඳහා රජය කැඳවා ඇති නව ටෙන්ඩරයේ මීට පෙර නිෂ්පාදනය කළ අංක තහඩුවට ඇතුළත්ව තිබූ විශේෂ ආරක්ෂක අංග ඉවත්කර ඇතැයි මෝටර් රථ ප්‍රවාහන දෙපාතමේන්තුවේ ඇතැම් පාර්ශ්ව චෝදනා කරයි.
වතර්මානයේ පවතින අංක තහඩුවේ ‘සිංහ’ ලාංඡන කීපයක් සහ ඩී.එම්.ටී. හෙවත් මෝටර් රථ ප්‍රවාහන දෙපාතමේන්තුව යන්න විශේෂ ආරක්ෂක පියවරයන් ලෙස පිටතට නිරාවරණය වන ලෙස සහ පිටතට නිරාවරණය නොවන ලෙස පැවැති බවත්, නව ටෙන්ඩරයෙන් එම ලාංඡන සහ අකුරු ඉවත්කර ඇති බවත් එහි එම පාර්ශව පවසයි.
‘සිංහ’ ලාංඡන පේලී තුනක් ‘ලේසර් වෝටර් මාක්’ ලෙස ද, ඩී.එම්.ටී. යන ‘ඉංග්‍රිසි’ අකුරු තුන විශාල සහ කුඩා මුද්‍රණ ලෙස ද, වතර්මාන වාහන අංක තහඩුවේ පවතින බවත්, ඒවා නව ටෙන්ඩරයෙන් ඉවත්කිරීම ජාතික ආරක්‍ෂාවට ද තජර්නයක් වියහැකි බවත් ඔවුහු කියති.
සැපයුම්කරුවකුගේ අවශ්‍යතාවක් වෙනුවෙන් මෙම ආරක්ෂක ලාංඡන ඉවත්කර ඇති බව කියන මෝටර් රථ ප්‍රවාහන දෙපාතමේන්තුවේ, සේවකයෝ නව ලෝකය වෙත යන ශ්‍රී ලංකාව කළ යුතුතේ ආරක්ෂක පියවරයන් තවත් වැඩි කිරීම බව ද සඳහන් කරති.
වාහන අංක තහඩු ටෙන්ඩරය මෙරට රාජ්‍ය ආයතනයක් පිරිනමන ඉහළම වටිනාකමින් යුත් ටෙන්ඩවර්ලින් එකක් මෙන්ම මෙම ටෙන්ඩරය පිටුපස විශාල දුෂණයන් සහ කොමිස් කුට්ටි ඉතිහාසය පුරාම වාතථා වූ බවත්, එම ටෙන්ඩරයට සම්බන්ධ වූ ඇතැම් දේශපාලඥයන්ට සහ මෝටර් රථ ප්‍රවාහන දෙපාර්තමේන්තුවේ හිටපු ඇතැම් ඉහළ තනතුරු දැරූ නිලධාරීන්ට තවමත් අංක තහඩුවලින් කොමිස් ලැබෙන බවත් සේවකයෝ පවසති.
මෝටර් රථ ප්‍රවාහන දෙපාතමේන්තුවේ උසස් නිලධාරියකුගෙන් මේ පිළිබඳව ‘ලංකාදීපය’ කළ විමසුමකදී ඔහු පවසා ඇත්තේ, එම ටෙන්ඩර් කැඳවීම සම්පූර්ණයෙන්ම ප්‍රවාහන හා මහාමාගර්, වරාය හා සිවිල් ගුවන් සේවා අමාත්‍යංශය ක්‍රියාත්මක කරන බවත්, නව ටෙන්ඩරයෙන් විශේෂ ආරක්ෂක පියවරයන් කීපයක් ඉවත්කිරීමට පියවර ගෙන ඇති බවත්ය.
එම ආරක්ෂක පියවරයන් හේතුවෙන් වාහන අංක තහඩුවේ මිල ඉහළ යෑම නිසා ආරක්ෂක පියවරයන් කීපයක් ඉවත්කිරීමට පියවර ගෙන ඇති බව කී එම නිලධාරියා, මාර්ගයේ වාහනයක් ධාවනය වන විට එහි අංක තහඩුව ව්‍යාජ ද යන්න පරීක්‍ෂා ක්‍රමයක් නොමැතිවීම නිසා ආරක්ෂක පියවර ඉවත්කිරීම ගැටලුවක් නොවන බවත් වැඩිදුරටත් සඳහන් කර ඇත.
