September 25, 2023
පසුගිය සතියේ ඉරිදා සෞදි අරාබියේ පැවති ලෝක උරුම කමිටුවේ 45 වැනි සැසියේදී බටහිර බෙංගාලයේ ශාන්ති නිකේතන නගරය යුනෙස්කෝ ලෝක උරුම ලැයිස්තුවට ඇතුළත් කර ඇති බව යුනෙස්කෝව නිවේදනය කර ඇත.
කවියකු සහ දාර්ශනිකයකු වූ තාගෝර් විසින් 1901 දී පිහිටුවන ලද ශාන්ති නිකේතනය පුරාණ ඉන්දියානු සම්ප්‍රදායන් මත පදනම් වූ නේවාසික පාසලක් සහ කලා මධ්‍යස්ථානයක් වන අතර ආගමික හා සංස්කෘතික සීමාවන් ඉක්මවා ගිය මනුෂ්‍යත්වයේ එකමුතුකම පිළිබඳ දැක්මක් ලෙස හැඳින්වේ.
මනුෂ්‍යත්වයේ එකමුතුකම නොහොත් “විශ්ව භාරතී” සංකල්පය හඳුනාගනිමින් 1921 දී ශාන්ති නිකේතනයේ ‘ලෝක විශ්වවිද්‍යාලයක්’ පිහිටුවන ලදී.
20 වන සියවසේ මුල් භාගයේ පැවති බ්‍රිතාන්‍ය යටත් විජිත වාස්තුවිද්‍යාත්මක දිශානතියට හා යුරෝපීය නූතනවාදයෙන් වෙනස් වූ ශාන්තිනිකේතනය, කලාපය පුරා පුරාණ, මධ්‍යකාලීන සහ ජන සම්ප්‍රදායන් උකහා ගනිමින් සර්ව-ආසියානු නූතනත්වයට ප්‍රවේශයන් නියෝජනය කරයි.
අගමැති නරේන්ද්‍ර මෝදි ඉරිදා බටහිර බෙංගාලයේ ශාන්තිනිකේතනය යුනෙස්කෝ ලෝක උරුම ලැයිස්තුවට ඇතුළත් කිරීම සියලුම ඉන්දියානුවන්ට ආඩම්බර අවස්ථාවක් ලෙස හැඳින්වීය.
