රුපියල් ලක්ෂ 90ක අල්ලස් සිද්ධියක් සම්බන්ධයෙන් අල්ලස් කොමිසම විසින් අත්අඩංගුවට ගෙන ඇති ව්‍යාපාරිකයන් දෙදෙනාගෙන් එක් අයකු හිටපු පළාත් සභා මන්ත්‍රී සලෝචන ගමගේ බව වාර්තා වේ.

පිටකෝට්ටේ ප්‍රදේශයේදී සැකකරුවන් වෙනත් ව්‍යාපාරිකයකුගෙන් අල්ලස් ලබා ගනිමින් සිටියදී මෙම අත්අඩංගුවට ගැනීම සිදු කර ඇත.

පැමිණිලිකරුගේ ඥාතියකුට අයත් ඉඩමකට වන්දි ලබාදීම කඩිනම් කරන බවට පොරොන්දු වීම මත මෙම අල්ලස් මුදල ඉල්ලා ඇති බව අල්ලස් කොමිසම පවසයි.

එම ඉඩම නාගරික සංවර්ධන අධිකාරියට පවරාගෙන තිබිණි.

අල්ලස් සිද්ධිය සම්බන්ධයෙන් වැඩිදුර පරීක්ෂණ ක්‍රියාත්මකයි.