පැමිණිලිකාර පාර්ශ්වයෙන් සාක්ෂි විමසීමකින් තොරව විත්තිකරුවන් දෙදෙනකු එනම් හිටපු සෞඛ්‍ය අමාත්‍ය රාජිත සේනාරත්න සහ රාජ්‍ය ඖෂධ නීතිගත සංස්ථාවේ හිටපු සභාපති මොහොමඩ් ටාසිම් මොහොමඩ් රූමි නිදහස් කරනවාද නැද්ද යන්න පිළිබඳව මහාධිකරණ විනිසුරු සුජීව නිශ්ශංක නොවැම්බර් 29 වැනිදා තීන්දුවක් ප්‍රකාශයට පත්කිරීමට නියමිතය.

2019 වසරේ ජනාධිපති අපේක්ෂක ගෝඨාභය රාජපක්ෂ සම්බන්ධයෙන් ජනමාධ්‍ය හමුවක් පවත්වමින් වෙස්වළාගත් පුද්ගලයන් දෙදෙනෙකු සම්බන්ධ කර ගනිමින් අසත්‍ය ප්‍රකාශ කර උසිගැන්වීම සම්බන්ධයෙන් විත්තිකරුවන්ට චෝදනා එල්ල විය.

නඩු විභාගය අතරතුර, විත්තියේ නීතිඥයන් නඩුව ඔප්පු කිරීමට පැමිණිල්ල අපොහොසත් වූ බවට තර්ක කරමින් අපරාධ නඩු විධාන සංග්‍රහයේ 200(1) වගන්තිය යටතේ විත්තිකරුවන් නිදොස් කොට නිදහස් කරන ලෙස ඉල්ලා සිටියේය.

අතිරේක සොලිසිටර් ජනරාල් දිලීප පීරිස් ශ්‍රේෂ්ඨාධිකරණයේ වෙනම නඩුවක නිරතව සිටින බැවින් එබැවින් ඔහු ද සිටින විට එවැනි ආකාරයේ ඉල්ලීමක් කළ යුතු බව නඩුවේ පෙනීසිටි රජයේ නීතීඥවරයා සඳහන් කළේය.

විනිසුරුවරයාගේ නියෝගය තවමත් සකස් වෙමින් පවතින බව ප්‍රකාර කරමින් තීන්දුව කල් තැබිණි.