June 12, 2024
ජාතික ජල සම්පාදන හා ජලාපවහන මණ්ඩලය විසින් කොළඹ අවට බෙදා හරින ලද නළ ජලය පානය කිරීමෙන් ජනතාව පාචනය සහ වමනය යන රෝග හටගත් බවට සමාජ මාධ්‍ය තුළ පැතිර යන වාර්තා ජාතික ජල සම්පාදන හා ජලාපවහන මණ්ඩලය ප්‍රතික්ෂේප කරයි.
ජාතික ජල සම්පාදන හා ජලාපවහන මණ්ඩලයේ නියෝජ්‍ය කළමනාකාර සුසන්ත මල්ලිකාරච්චි පැවසුවේ, බෝතල් කළ ජලය අලෙවි කිරීමේ අරමුණින් මෙම කටකතාව පතුරුවා ඇති බවයි.
විධිමත් පිරිසිදු කිරීමේ ක්‍රියාවලියක් අවසන් කිරීමෙන් පසු පානීය ජලය පාරිභෝගිකයන්ට ලබා දෙන බව ඔහු පැවසීය.
ජාතික ජල සම්පාදන හා ජලාපවහන මණ්ඩලය විසින් සපයනු ලබන ජලය නිරන්තරයෙන් රසායනාගාර පරීක්ෂණවලට භාජනය වන අතර අදාළ ප්‍රමිතීන්ට අනුකූල වේ.
ඒ අනුව එහි ලෙඩ ඇති කරන කිසිදු ජීවීන් අඩංගු නොවේ.
එම නිසා පාරිභොගිකයන් ජලය භාවිත කිරීමට අනවශ්‍ය බියක් ඇති කර නොගත යුතු බව ඔහු පැවසීය.
