මූල්‍ය ඉලක්ක සපුරා ගනිමින් ප්‍රගතිශීලී තරුණ තරුණියන්ට ජීවිතය සැමරීමට අවස්ථාව ලබාදීමේ අරමුණින් ‘Rise up’ නමින් පෙරළිකාර සංවිධානයක් ආරම්භ කර තිබේ.

පසුගිය ජනවාරි 26 වැනි දින දර්ශනීය ලෙස ඇරඹුණු මෙම සංවිධානය එහි දූරදර්ශී දැක්ම බෙදාගන්නා පුද්ගලයන්ට විවෘතය.

ජාතියේ වඩාත්ම වැදගත් තරුණ ව්‍යාපාරය බවට පත්වීමේ අපේක්ෂාවෙන් එය ක්‍රියාවට නංවා තිබේ.

ශ්‍රී ලංකාව පුරා ශක්තිමත් ජාලයක් පිහිටුවීම ‘Rise up’ හි හරයයි.

එළිදැක්වීමේ උත්සවය හුදු සැමරුමකට සීමා නොවී සමාජ නවෝත්පාදන මධ්‍යස්ථානය හඳුන්වාදීම ද ප්‍රකාශ කෙරිණි.

එය නම්කර ඇත්තේ ‘Rise Up Plug’ ලෙසයි.

මෙම මධ්‍යස්ථානය තරුණ තරුණියන් කේන්ද්‍රකරගත් සිදුවීම් සඳහා කේන්ද්‍රස්ථානයක් ලෙස ක්‍රියා කරන අතර නිර්මාණශීලීත්වය, ජාලකරණය සහ සතුට බෙදාගැනීම වෙනුවෙන් පහසුකම් සපයනු ඇත.

‘Rise Up Plug’ වෙත ප්‍රවේශ විය හැක්කේ ‘Rise Up’ සාමාජිකයන්ට පමණි.

ස්ථානය වෙන්කිරීමේ කටයුතු සම්බන්ධීකරණයට පරිපාලන කණ්ඩායමක් සිටින අතර ‘Rise Up’ හි අරමුණු සහ මෙහෙවර සමඟ සමපාත වන වැඩසටහන් සඳහා ස්ථානය වෙන්කර දෙනු ලැබේ.

සමාජ මාධ්‍ය බලපෑම් කරන්නන්, මාධ්‍යයට සම්බන්ධ පුද්ගලයන් සහ වෙළඳ ප්‍රචාරණ සහ චිත්‍රපට කර්මාන්තයේ ප්‍රවීණයන් 250කට අධික සංඛ්‍යාවක් මෙම සංවිධානය සමග දැනටමත් අත්වැල් බැඳගෙන සිටිති.

ආරම්භක රාත්‍රියේ විනෝදාස්වාදය සපයන ලද්දේ ශ්‍රී ලංකාවේ නැගී එන මිඩ් ලේන් කණ්ඩායමේ ප්‍රසංගවලිනි.

‘Rise Up’ හි ප්‍රධාන ඉලක්ක අතර විනෝදාස්වාදය, පරිසරය, අධ්‍යාපනය, ක්‍රීඩා සහ ව්‍යවසායකත්වය යන අංශ තිබේ.

මෙම ක්ෂේත්‍ර තුළ ඉලක්කගත ව්‍යාපෘති හරහා, තරුණයන්ගේ කුසලතා ඉහළ නැංවීමට පහසුකම් සැලසීම සහ අත්‍යවශ්‍ය අරමුදල් රැස්කිරීම සංවිධානයේ අරමුණයි.

ප්‍රධාන අරමුණ වන්නේ ශ්‍රී ලංකාවේ ප්‍රගතිශීලී තරුණ තරුණියන් අතර මතවාදී පරිවර්තනයක් ඇති කිරීම, ජාතියේ දේශසීමා තුළ සාර්ථකත්වය සහ සතුට ළඟා කර ගත හැකි බවට විශ්වාසය පෝෂණය කිරීමයි.

ශ්‍රී ලංකාවේ තරුණ තරුණියන්ට වඩා දීප්තිමත් හා අන්තර් සම්බන්ධිත අනාගතයක් සඳහාත් සිහින සැබෑ කර ගත හැකි අවකාශයක් නිර්මාණය කිරීම සඳහාත් ‘Rise Up’ සංවිධානය කැපවී සිටියි.