October 29, 2023
බීමතින් අපරික්ෂාකාරී ලෙස රිය පදවා ඊයේ රාත්‍රියේ අනතුරක් සිදුකළ විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්නගේ මෝටර් රථය සහ ඔහු අතින් අනතුරට පත් මෝටර් රථයේ ඡායාරුප Accident 1st ෆේස්බුක් පිටුව ඔස්සේ ප්‍රසිද්ධියට පත්කර ඇත.
අනතුර හේතුවෙන් අදාළ මෝටර් රථයේ ආරක්‍ෂිත වායු බැලුන ක්‍රියාත්මක වී ඇති බව දැකගත හැකිය.
ඊයේ රාත්‍රියේ කොළඹ මැරීන් ඩ්‍රයිව්හිදී(සමුද්‍ර මාර්ගයේ) රිය අනතුරක් සිදුකරමින් බීමත්ව රිය පැදවීමේ සිද්ධියක් සම්බන්ධයෙන් වැල්ලවත්ත පොලිසිය විසින් විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න අත්අඩංගුවට ගෙන ඇත.
පොලීසිය පැවසුවේ, ජ්‍යෙෂ්ඨ නියෝජ්‍ය පොලිස්පතිවරයාගේ වාහනය සංචාරක බස් රථයක ගැටීමට පෙර තවත් මෝටර් රථයක ගැටීමෙන් මෙම අනතුර සිදුව ඇති බව ය.
අනතුර සිදුවන අවස්ථාවේ ජ්‍යෙෂ්ඨ නියෝජ්‍ය පොලිස්පතිවරයා බීමතින් සිට ඇති බව පොලිස් ආරංචි මාර්ග සඳහන් කරයි.
අනතුර හේතුවෙන් කිසිදු තුවාලයක් වාර්තා වී නොමැත.
අත්අඩංගුවට ගත් ජ්‍යෙෂ්ඨ නියෝජ්‍ය පොලිස්පතිවරයා ගල්කිස්ස මහේස්ත්‍රාත් අධිකරණයට ඉදිරිපත් කිරීමට නියමිතය.
