කටුනායක බණ්ඩාරනායක අන්තර්ජාතික ගුවන්තොටුපළේදී විශ්‍රාමික ගුවන් හමුදා නිලධාරිනියකගේ අත්බෑගයේ තිබී, සාමාන්‍ය ආරක්ෂක පරීක්ෂාවකදී ජීව T-56 පතොරම් සොයා ගැනීමත් සමඟ ඇය රඳවාගෙන තිබේ.

37 හැවිරිදි ඇය පස්වරු 05.45ට ඩුබායි බලා යෑමට ශ්‍රී ලංකන් ගුවන් සේවයට අයත් යූඑල්-225 දරන ගුවන් යානයට ගොඩවීමට සූදානම්ව සිට ඇත.

සෙනසුරාදා (අගෝස්තු 31) ගුවන් තොටුපළ ආරක්ෂක ස්කෑන් කිරීමේදී මෙම උණ්ඩය සොයාගෙන ඇත.

සැකකාර කාන්තාව කුරුණෑගල හිරිපිටිය ප්‍රදේශයේ පදිංචිකාරියක් බවට හඳුනාගෙන ඇති බව වාර්තා සඳහන් කරයි.

විශ්‍රාමික ගුවන් හමුදා ගුවන් සේවිකාවක වන ඇය ඩුබායි හි පදිංචිව සිටින තම සහෝදරිය බැලීමට පිටත්ව යෑමට ගුවන් තොටුපළ වෙත ගොස් ඇත.

උණ්ඩය සොයාගැනීමෙන් පසු ඇයව ප්‍රශ්න කිරීම් සඳහා ගුවන්තොටුපොළේ අපරාධ පරීක්ෂණ දෙපාර්තමේන්තුව (CID) වෙත රැගෙන ගොස් තිබේ.

කෙසේවෙතත්, උණ්ඩය තම බෑගය තුළට ගිය ආකාරය පිළිබඳව තමන් නොදන්නා බව ඇය ප්‍රකාශ කර තිබේ.

අත්අඩංගුවට ගත් කාන්තාව සහ පතොරම් වැඩිදුර විමර්ශන සඳහා කටුනායක ගුවන් තොටුපළ පොලිසිය වෙත භාරදී තිබේ.

ඇය අද (01) සවස මීගමුව මහේස්ත්‍රාත් අධිකරණයට ඉදිරිපත් කිරීමට නියමිත බව පොලිසිය පවසයි.