හිටපු සෞඛ්‍ය ඇමති කෙහෙළිය රම්බුක්වැල්ල සම්බන්ධ බවට චෝදනා එල්ලවන කුප්‍රකට හියුමන් ඉමියුනොග්ලොබියුලින් වංචාවේ අදාළ ඖෂධය සම්බන්ධයෙන් ඉන්දියාවෙන් සහ ජර්මනියෙන් රසායනාගාර වාර්තා ශ්‍රී ලංකාවට ලැබී තිබේ.

මෙම වාර්තා ලබාගැනීම සඳහා නිලධාරීන් කණ්ඩායමක් එම රටවලට ගොස් ඇති බව පොලිසිය තහවුරු කළේය.

නීතිපති දෙපාර්තමේන්තුව ප්‍රකාශ කළේ, මෙම වාර්තා සාක්ෂි ලෙස භාවිත කරන බවත්, ඒවා හොඳින් පරීක්ෂා කිරීමෙන් පසු නඩුව පිළිබඳ අවසන් තීරණයක් ගන්නා බවත්ය.