March 3, 2025
රාජ්‍ය පොහොර සමාගමේ සේවය කළ කාලය තුළ මූල්‍ය අපරාධ සම්බන්ධයෙන් වැඩ තහනමට ලක් වූ පුද්ගලයෙකු දැනට නව ආණ්ඩුව යටතේ කැබිනට් අමාත්‍යවරයකු ලෙස සේවය කරන බව විපක්ෂ මන්ත්‍රී ශානක්යන් රාසමානික්කම් පැවැසීය.
අද පාර්ලිමේන්තුව අමතමින් පාර්ලිමේන්තු මන්ත්‍රී ශානක්යන් පැවසුවේ එම පුද්ගලයා දැන් පාර්ලිමේන්තුවේ ඉදිරිපස පේළියේ අසුන්ගෙන සිටින බවත්, එම පුද්ගලයා නම්කිරීමට තමා කැමති නැති බවත්ය.
ජනාධිපති අනුර කුමාර දිසානායක කෘෂිකර්ම අමාත්‍යවරයා ලෙස කටයුතු කළ කාලය තුළ රාජ්‍ය පොහොර සමාගමේ මූල්‍ය අපරාධ සම්බන්ධයෙන් එම පුද්ගලයාට චෝදනා එල්ල වී ඇති බව ඔහු තවදුරටත් සඳහන් කළේය.
එවැනි පුද්ගලයන්ට රජයේ වැදගත් භූමිකාවන් ලබා දී පාර්ලිමේන්තුවේ අසුන්ගෙන සිටින විට දූෂණය දිගටම පවතින්නේ දැයි විපක්ෂය සැලකිලිමත් වීම සහ සැකකිරීම සාමාන්‍ය දෙයක් බව පාර්ලිමේන්තු මන්ත්‍රී ශානක්යන් තවදුරටත් පැවැසීය.
පුනර්ජනනීය බලශක්ති ව්‍යාපෘති සම්බන්ධයෙන් රජයේ තීරණය සහ ලංකා ඛනිජ තෙල් සංස්ථාව සහ ලංකා විදුලිබල මණ්ඩලය වටා ඇති ගැටළු පිළිබඳව සාකච්ඡා කරමින් ඔහු මෙම ප්‍රකාශය කළේය.
42.31%
17.27%
32.76%
