42.31%
17.27%
32.76%
September 30, 2023
අසභ්‍ය වෙබ් අඩවිවල ශ්‍රී ලාංකිකයන් ඇතුළත් වීඩියෝ ප්‍රමාණයේ සීග්‍ර වර්ධනයක් දක්නට ලැබේ.
ලබාගත හැකි ආදායම් වර්ධනය වීම හේතුවෙන් පසුගිය වසර කිහිපය තුළ ශ්‍රී ලාංකික යුගල ඇතුළත් වීඩියෝ සංඛ්‍යාවේ ඉහළ යෑමක් වාර්තා වේ.
සමහර වීඩියෝවල ශ්‍රී ලංකාවේ ‘අසභ්‍ය තරු’ හෝ තෙවන පාර්ශවයක සහාය ඇතිව රූගත කළ අන්තර්ගතයන් ඇතුළත් වන අතර, බොහෝ ඒවා පටිගත කර ඇත්තේ හවුල්කරු විසිනි.
ශ්‍රී ලංකාවේ ක්‍රියාත්මක වන ශ්‍රී ලාංකික කාන්තාවන් ඇතුළත් අසභ්‍ය වෙබ් අඩවි ද බොහෝසෙයින් වාර්තා වේ.
බොහෝ අන්තර්ගතයන් රූගත කර වෙබ් අඩවිවලට විකුණා ඇත්තේ, එක් පාර්ශ්වයක අනුමැතියකින් තොරව බවද බොහෝවිට අනාවරණය වේ.
පළිගැනීමේ චේතනාවෙන් අසභ්‍ය දර්ශන අන්තර්ජාතික වෙබ් අඩවි වෙත නිකුත් කිරීමද අසන්නට ලැබේ.
බොහෝ වින්දිතයන් ඉදිරිපත් වී ඔවුන්ගේ වීඩියෝ හෝ පින්තූර අසභ්‍ය වෙබ් අඩවිවල පළ කිරීම සම්බන්ධයෙන් පැමිණිලි කිරීම ප්‍රතික්ෂේප කරන්නේ, එය වීඩියෝ කෙරෙහි වැඩි අවධානයක් යොමුකර ඔවුන්ගේ ප්‍රතිරූපය තවදුරටත් කැළැල් කරනු ඇතැයි යන බියෙනි.
Daily Mirror වෙත අදහස් දක්වමින් නීතීඥ සහ ස්ත්‍රී පුරුෂ සමාජභාවය පිළිබඳ ක්‍රියාකාරිනියක වන ජෙරුෂා ක්‍රොසෙට් තම්බයියා පවසා ඇත්තේ, එවැනි අන්තර්ගතයන් විකිණීම දණ්ඩ නීති සංග්‍රහය මෙන්ම අසභ්‍ය පනත යටතේද අපරාධයක් බවයි.
එවැනි වීඩියෝ හෝ ඡායාරූප පටිගත කළ හවුල්කරුවන්ට හෝ පුද්ගලයාට ද නඩු පැවරිය හැකි බව ඇය පවසයි.
ජෙරුෂා ක්‍රොසෙට් තම්බයියා පෙන්වාදෙන්නේ, වින්දිතයන්ට අපරාධ පරීක්ෂණ දෙපාර්තමේන්තුවට (CID) පැමිණිල්ලක් ගොනු කළ හැකි බව හෝ සෘජුවම වෙබ් අඩවියට පිවිස වීඩියෝ ඉවත් කරන ලෙස ඉල්ලා සිටිය හැකි බවයි.
