‘මරදානේ චොප්පේ’ ගේ පුත්‍රයා වන කොළඹ නාගරික මන්ත්‍රීවරයකු වූ කිත්සිරි රාජපක්ෂ ඊයේ (28) රාත්‍රියේ පොලිසිය විසින් අත්අඩංගුවට ගෙන තිබේ.

දෙමටගොඩ, කෙන්ට් පාරේ පිහිටි ඉඩමක් සම්බන්ධයෙන් ඇති වූ ආරවුලක් සම්බන්ධයෙන් හිමිකරුට සහ ඔහුගේ දියණියට අපහාස කිරීම සහ මරණ තර්ජන කිරීම සම්බන්ධයෙන් ඔහු අත්අඩංගුවට ගෙන ඇත.

රජයේ නිලධාරීන් පිරිසක් සමඟ එම මතභේදාත්මක ඉඩමට ගිය බවට රාජපක්ෂට චෝදනා එල්ල වී ඇති අතර, එහිදී ඔහු නිවාස හිමියාට සහ ඔහුගේ දියණියට තර්ජනය කළ බවට වාර්තා වේ.

ඒ අනුව, කිත්සිරි රාජපක්ෂ අත්අඩංගුවට ගෙන ඇත.

කෙසේවෙතත් ඔහු නිදහස් කරන ලෙසට පොලිසියට බලපෑම් එල්ලවන බව ද වාර්තා වේ.

ඔහු අද (29) අළුත්කඩේ අධිකරණ සංකීර්ණය වෙත ඉදිරිපත් කිරීමට නියමිතය.