August 24, 2023
චන්ද්‍රයාන් – 3 අභ්‍යවකාශ යානය සඳෙහි දක්ෂිණ ධ්‍රැවයට සාර්ථකව ගොඩබැස්වීම සම්බන්ධයෙන් ජනාධිපති රනිල් වික්‍රමසිංහ ඉන්දීය අගමැති නරේන්ද්‍ර මෝදිට, ඉන්දීය අභ්‍යවකාශ පර්යේෂණ සංවිධානයේ කණ්ඩායමට සහ ඉන්දීය ජනතාවට සිය සුබපැතුම් පිරිනමා ඇත.
මෙම ඓතිහාසික සහ වැදගත් ජයග්‍රහණය පිළිබඳව ශ්‍රී ලංකාව ආඩම්බර වන බවද ජනාධිපති වික්‍රමසිංහ පවසා තිබේ.
මේ අතර, දක්ෂිණ ධ්‍රැවය ආසන්නයට ගොඩ බැස්ස පළමු රට බවට පත්වෙමින් ඉන්දියාව ඉතිහාසගත වීමෙන් දිනකට පසු, චන්ද්‍රයාන් හි රෝවර් යානය චන්ද්‍ර පෘෂ්ඨය මත පළමු පියවර තබා තිබේ.
මේ සමඟ, ඉන්දියාව, එක්සත් ජනපදය, පැරණි සෝවියට් සංගමය සහ චීනයට පසුව සඳ මත මෘදු ගොඩබෑමක් සාක්ෂාත් කරගත් රටවල් සමාජයට සම්බන්ධ විය.
ශ්‍රී ලංකාවද චීනය සමග එක්ව සන්නිවේදන චන්ද්‍රිකාවක් අභ්‍යවකාශයට යවා ඇත.
ශ්‍රී ලංකා-චීන හවුල් ව්‍යාපාරයක් වන මෙම දියත් කිරීමේ දී ශ්‍රී ලංකා ජනාධිපතිවරයාගේ බාල පුත් රෝහිත රාජපක්ෂ ප්‍රධාන භූමිකාවක් ඉටු කළේය.
ඩොලර් මිලියන 300කට වැඩි පිරිවැයක් දරමින් අභ්‍යවකාශගත කළ එම චන්ද්‍රිකාව පිළිබඳව අදටද කිසිදු තොරතුරක් වාර්තාවන්නේ නැත.
