මහජන උපයෝගිතා කොමිෂන් සභාව ස්වාධීන නොවන බවත්, එය අන්තර්ජාතික මූල්‍ය අරමුදලේ සහ රජයේ පදයට නටන බව තෙවන වරටත් විදුලි බිල වැඩි කිරීමත් සමඟ පැහැදිලියි බවත්, සමගි ඒකාබද්ධ වෘත්තීය සමිති සන්ධානයේ කැඳවුම්කරු සහ මාධ්‍ය ප්‍රකාශක ආනන්ද පාලිත සඳහන් කරයි.

එමෙන්ම සියයට 18කින් විදුලි බිල වැඩි කිරීම අන්තර්ජාතික මූල්‍ය අරමුදලේ සැලැස්මට අනුව සහ උපදෙස් අනුව සිදු කළ බව ඔහු පවසයි.

මූල්‍ය අරමුදල පිරිවැය මත ගාස්තු වැඩි කරන ලෙස ඉල්ලා ඇති නමුත් ලංකා විදුලිබල මණ්ඩලය ජූනි 30 වැනි දින පිරිවැය පදනම මත සැලැස්ම ලබා දුන් අතර, එය අනුමත වූ බව හෙතෙම සඳහන් කර ඇත.

ඒ අනුව සෑම මාස හයකට වරක් විදුලිබල මණ්ඩලයේ පිරිවැය ගණනය කරනු ලැබේ.

වර්ෂාව හේතුවෙන් ජලවිදුලි නිෂ්පාදනය අධික නිසා විදුලි බිල සියයට 18කින් වැඩි කරමින් රජය වැඩි ලාභයක් ලැබීමට සුදානම් බවත්, එබැවින් මහජන උපයෝගිතා කොමිසම ස්වාධීන නොවන බවත්, ඔහු වැඩිදුරටත් සඳහන් කරයි.(Daily Mirror)