May 13, 2024
පකිස්ථානය විසින් ආක්‍රමණය කරන ලද ජම්මු සහ කාශ්මීරයේ සිදු කරන ලද සාහසික ක්‍රියාවලට එරෙහිව ඒකාබද්ධ අවාමි ක්‍රියාකාරී කමිටුව විසින් ගෙන යන විරෝධතාවට සහයෝගීතාව ප්‍රකාශ කරන බව එක්සත් කාශ්මීර මහජන ජාතික පක්ෂයේ ප්‍රකාශක සර්දාර් නසීර් අසීස් ඛාන් පවසා තිබේ.
වීඩියෝ පණිවුඩයක් නිකුත් කරමින් ඔහු පැවසුවේ අරගලය දිගටම පවතින තෙක් අර්බුධය සඳහා පාකිස්තාන පරිපාලනය වගකිව යුතු බවට සියලු ජාත්‍යන්තර වේදිකාවල හඬ නගන බවයි.
එමෙන්ම පකිස්තාන පාලනයට එරෙහිව හඬ නගන කාශ්මීර වැසියන්ගේ ඉල්ලීම් මතු කරමින් ඒ සඳහා ජාත්‍යන්තර පණිවිඩකරු බවට පත් වන බව ද ඔහු අවධාරණය කර තිබේ.
එක්සත් කාශ්මීර මහජන ජාතික පක්ෂයේ ප්‍රකාශක සර්දාර් නසීර් අසීස් ඛාන් සිය ප්‍රකාශයෙන් මෙලෙස ද පවසා තිබේ.
“දැනට වසරකට වැඩි කාලයක් තිස්සේ අඛණ්ඩව පවතින කාශ්මීර ජනතාවගේ අරගලය එහි සීමාවට පැමිණ තිබේ. මෙම අරගලයේදී ජනතාව තම මූලික මානව හිමිකම් වෙනුවෙන් හඬ නගන අතර වසර 70කට අධික කාලයක් පාකිස්ථානයේ ම්ලේච්ඡ ක්‍රියාවලට එරෙහිව හඬ නඟයි.”
පසුගිය වසර 76 තුළ පකිස්තාන පරිපාලනය විසින් ප්‍රයෝජනයට ගන්නා කලාපයේ සම්පත් වෙනුවෙන් සහ සියලු ආකාරයේ රජයේ ප්‍රචාරවලට එරෙහිව මෙම ජනතාව සටන් කල බව ද ඔහු පැවසීය.
නමුත් දැන් එය තවදුරටත් දරා නොගැනීමට නොහැකි බව එම ජනතාව තීරණය කර ඇතැයි ඔහු පවසා තිබේ.
