November 22, 2023
විපක්ෂ නායක සජිත් ප්‍රේමදාස ඉදිරිපත් කළ ප්‍රශ්නයේ, අධිකරණ නඩු අංකයේ දෝෂයක් හේතුවෙන්, රාජපක්ෂවරුන්ට එරෙහිව රටේ ආර්ථිකය බංකොලොත් කළ බවට ලබාදුන් තීන්දුව සම්බන්ධයෙන් අසන ලද ප්‍රශ්නවලට පිළිතුරු දීම ජනාධිපති රනිල් වික්‍රමසිංහ අද මඟහැරියේය.
අද පාර්ලිමේන්තුව අමතමින් විපක්ෂ නායකවරයාගේ ප්‍රශ්නයට පිළිතුරු ලබාදෙමින් ජනාධිපතිවරයා ත්‍රිකුණාමලය බන්ධනාගාරයට සළාක ලබාදීමේ සිද්ධියක් සම්බන්ධයෙන් ලබාදුන් නඩු අංකය පදනම් කරගනිමින් ඇසූ ප්‍රශ්නයට පිළිතුරු ලබාදුන්නේය.
ජනාධිපතිවරයාට ප්‍රතිචාර දක්වමින් සජිත් ප්‍රේමදාස මන්ත්‍රීවරයා, නඩු අංකය සම්බන්ධයෙන් තමාගේ වරද පිළිගනිමින් එම වරදේ වගකීම තමන් භාරගන්නා බව ප්‍රකාශ කළේය.
කෙසේවෙතත් නඩු අංකයේ වරදක් තිබුණද, තමාගේ ප්‍රශ්නය ලියා ඇත්තේ නඩුවේ විස්තර සහ රාජපක්ෂවරුන්ගේ නම් පැහැදිලිව සඳහන් කරමින් බව ඔහු පෙන්වාදුන්නේය.
ජනාධිපතිවරයාට කියවීමට හැකියාවක් නොමැති දැයි ප්‍රශ්න කළ විපක්ෂ නායකවරයා, කරුණු කියැවීම වෙනුවට අධිකරණයේ නඩු අංකය සමඟ වරදක් සෙවීමට කාලය ගත කළ බව සඳහන් කළේය.
“ඔබතුමා නඩු අංකයේ තාක්ෂණික දෝෂයක් සොයාගෙන පාර්ලිමේන්තුවේ විනෝදාස්වාදය සඳහා පැහැදිලි කිරීමක් ලබාදෙමින් ප්‍රශ්නය නොසළකා හැරීම දැකීම කණගාටුවට කරුණකි.” යැයි ඔහු පැවැසීය.
හිටපු ගෝඨාභය රාජපක්ෂ ආණ්ඩුවේ තීන්දු පාර්ලිමේන්තුවේදී ජනාධිපතිවරයා විසින්ම හෙළාදුටු බව පෙන්වාදුන් විපක්ෂ නායකවරයා එම පිරිස ආරක්ෂා කිරීමට දැන් ජනාධිපතිවරයා දඟලන්නේ මන්දැයි ප්‍රශ්න කළේය.
