පසුගිය වසරේ ජූලි 09 වැනිදා ඇති වූ නොසන්සුන්තාවේදී වත්මන් ජනාධිපති රනිල් වික්‍රමසිංහගේ කොළඹ පිහිටි පෞද්ගලික නිවසට ගිනිතැබීම සම්බන්ධයෙන් සැකකරුවෙකු අත්අඩංගුවට ගෙන තිබේ.

පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව පැවසුවේ, 30 හැවිරිදි සැකකරු කොටදෙණියාව ප්‍රදේශයේ පදිංචිකරුවෙකු බවයි.

සැකකරු කොළඹ ප්‍රදේශයේ පෞද්ගලික ආයතනයක කම්කරුවකු ලෙස සේවය කරමින් සිට ඇති අතර ඔහු බ්‍රහස්පතින්දා (1) අපරාධ පරීක්ෂණ දෙපාර්තමේන්තුව (CID) විසින් අත්අඩංගුවට ගත් බව පොලිස් මාධ්‍ය ප්‍රකාශකවරයා වැඩිදුරටත් අනාවරණය කළේය.