ශ්‍රී ලාංකික සම්භවයක් ඇති ව්‍යවසායකයකු බ්‍රෙක්සිට් පක්ෂය ලෙස කලින් හැඳින්වූ එක්සත් රාජධානියේ දක්ෂිණාශික ජනතාවාදී දේශපාලන පක්ෂයක් වන Reform UK වෙත පවුම් ලක්ෂ ගණනක් පරිත්‍යාග කර ඇත.

පසුගිය වසරේ එය පවුම් මිලියන 233 කට විකිණීමට පෙර Velocity Black නම් සුඛෝපභෝගී අන්තර්ජාල යෙදුමක සම-ආරම්භකයා වන සියා යුසුෆ් විශ්වාස කරන්නේ “කැඩුණු” රටක් නිවැරදි කිරීමට ප්‍රතිපත්ති ඇත්තේ Reform UK පක්ෂ නායකයා වන Nigel Farage සතුව පමණක් බවයි.

ශ්‍රී ලංකාවේ සිට බ්‍රිතාන්‍යයට පැමිණ එක්සත් රාජධානියේ ජාතික සෞඛ්‍ය සේවයට සම්බන්ධ 37 හැවිරිදි ඔහු පවසන්නේ, රටේ “මුස්ලිම්වරුන්ගෙන් අතිමහත් බහුතරයක්” දේශප්‍රේමීන් බවයි.

ඔහුගේ පරිත්‍යාගය මුස්ලිම් ජාතිකයන් ඉලක්ක කර ගත්තකි.

ඔහු The Telegraph වෙත පවසා ඇත්තේ, “මගේ දෙමාපියන් නීත්‍යානුකූලව මෙහි පැමිණියා. නීති විරෝධී සංක්‍රමණ මාර්ග නිසා ඔවුන් ඕනෑම කෙනෙකුට මෙන් අපහාස කරනවා. එය වෙහෙස මහන්සි වී වැඩ කරන සියලුම බ්‍රිතාන්‍ය ජාතිකයින්ට අපහාසයක්. එහෙත් නීතිරීතිවලට කටයුතු කළ සහ නීත්‍යානුකූලව පැමිණි සංක්‍රමණිකයන් අපහාස කිරීම වැරදියි.”

යූසුෆ් කියා සිටියේ ඔහුගේ දෙමාපියන් බ්‍රිතාන්‍යයට පැමිණෙන විට ශුද්ධ සංක්‍රමණිකයින් 50,000 ක් පමණ වූ බයයි.

“පසුගිය වසරේ එය 650,000 ක් වූ අතර එය ජාතික සෞඛ්‍ය පීඩනයට ලක්වීමට හේතුවක්. ඒ වගේම වැඩිවන ජනගහනයට සාර්ථකව මුහුණ දෙන්න තරම් නිවාස අපි හදන්නේ නැහැ.” ඔහු පැවසීය.

ප්‍රතිසංස්කරණ සඳහා යූසුෆ්ගේ පරිත්‍යාගය මෙතෙක් පැවති මැතිවරණ ව්‍යාපාරයේ විශාලතම පරිත්‍යාගයයි.

එය පාලක කොන්සර්වේටිව් පක්ෂයට ද මරු පහරක් වන්නේ යූසුෆ් එම පක්ෂයේ හිටපු සාමාජිකයෙකු වන බැවිනි.