රුපියල් 20,000 ක අල්ලසක් ඉල්ලා ලබාගැනීම සම්බන්ධයෙන් ගිරිබාව පොලිස් ස්ථානයේ සැරයන්වරයකු අල්ලස් හෝ දූෂණ චෝදනා විමර්ශන කොමිෂන් සභාව අත්අඩංගුවට ගෙන ති⁣බේ.

ගිරිබාව ප්‍රදේශයේ පදිංචි පුද්ගලයකු විසින් සිදුකළ පැමිණිල්ලකට අනුව මෙම අත්අඩංගුවට ගැනීම ඊයේ සිදුකර ඇත.

අදාළ පුද්ගලයාව අතහැර ගොස් සිටින බිරිඳට විරුද්ධ වන්දි නඩුවට අදාළව සිතාසිය ක්‍රියාත්මක කරමින්, ඇයව අධිකරණයට ඉදිරිපත් කර වන්දි මුදල ලබාගැනීමට උපකාර කිරීම සඳහා රුපියල් 20,000 මුදලක් අත්අඩංගුවට ගත් පොලිස් සැරයන්වරයා පැමිණිලිකරුගෙන් ඉල්ලා තිබේ.

එම අල්ලස් මුදල ලබානොදුනහොත් පැමිණිලිකරුට යම් වරදක් සම්බන්ධයෙන් නඩු පවරා සිරගත කරන බවට ඔහු පැමිණිකරුට තර්ජනය කර ඇති බව අල්ලස් හෝ දූෂණ චෝදනා විමර්ශන කොමිෂන් සභාව පවසයි.

ඒ අනුව, පැමිණිකරුගේ නිවසේදි අල්ලස් මුදල ලබාගත් පොලිස් සැරයන්වරයා අත්අඩංගුවට ගෙන තිබේ.