March 5, 2024
පහරදීමේ සිද්ධියක් සම්බන්ධයෙන් අවශ්‍යව සිටින ඌව පළාත් ආණ්ඩුකාර ඒ.ජේ.එම්. මුසම්මිල්ගේ පුත්‍රයා පිළිබඳව පැතිර යන විවිධ ජනමාධ්‍ය වාර්තා ගැන ශ්‍රී ලංකා පොලිසිය පැහැදිලි කිරීමක් නිකුත් කර තිබේ.
නිවේදනයක් නිකුත් කරමින් පොලිසිය සඳහන් කරන්නේ, සැකකරු හෝ ඔහුගේ පියා තමන් භාරවන බව පොලිසියට දන්වා නොමැති බවයි.
ආණ්ඩුකාරවරයාගේ පුත්‍රයා විසින් ප්‍රදේශයේ මහල් නිවාස සංකීර්ණයක් තුළ කාන්තාවකට පහරදීමේ සිද්ධියක් සම්බන්ධයෙන් වැල්ලවත්ත පොලිසියට පැමිණිල්ලක් ලැබී තිබූ අතර, සිද්ධියට සම්බන්ධ කාන්තාව රෝහල්ගත කර ඇත.
සැකකරු අත්අඩංගුවට ගැනීමට උත්සාහ කිරීමේදී ඔහුගේ වාහනය සහ ජංගම දුරකථනය දකුණු පළාතේ ස්ථානයක තබා පොලිසිය නොමඟ යවා ඇති බව පොලිසිය පවසයි.
සැකකරු දැනට සැඟවී සිටින අතරවාරයේ මෝටර් රථය සහ ජංගම දුරකථනය පොලිසිය භාරයට ගෙන ඇත.
සැකකරු තවමත් සැඟවී සිටින බවත් ඔහු අත්අඩංගුවට ගැනීමට පරීක්ෂණ ක්‍රියාත්මක බවත් පොලිසිය වැඩිදුරටත් පවසයි.
