October 30, 2024
යාපනය චාවකච්චේරි මහේස්ත්‍රාත් අධිකරණයට ප්‍රහාරයක් එල්ලවිය හැකි බවට නිර්නාමිකව වාර්තා කළ පුද්ගලයා හඳුනාගැනීම සඳහා චාවකච්චේරි පොලිසිය විශේෂ විමර්ශනයක් ආරම්භ කර තිබේ.
අධිකරණය ඉලක්ක කරගැනීමේ සැලසුමක් ඇති බව පවසමින් නාඳුනන දුරකථන ඇමතුමක් ලබාදුන් පුද්ගලයෙකු ඊයේ චාවකච්චේරි පොලිස් ස්ථානයට අමතා ඇති බව පොලිසිය සඳහන් කරයි.
ඊට ප්‍රතිචාර වශයෙන් පොලිසිය විසින් උසාවිය සහ ඒ අවට ප්‍රදේශවල ආරක්‍ෂක විධිවිධාන දැඩි කළ අතර අමතර ආරක්ෂාව සඳහා පොලිස් විශේෂ කාර්ය බළකාය ද යොදවා ඇත.
පොලිසිය නොමඟ යැවීමේ අරමුණින් මෙම තර්ජනය එල්ල කරන්නට ඇතැයි පොලිසිය සැකකරයි.(Daily Mirror)
