පුද්ගලයන් 67 දෙනකු සමඟ කසකස්ථානයේ මගී ගුවන් යානයක් කඩාවැටී ඇති බව විදෙස් ජනමාධ්‍ය වාර්තා කරයි.

අසර්බයිජාන් එයාලයින්ස් (Azerbaijan Airlines) ගුවන් සේවයට අයත් මෙම යානය Aktau නගරය ආසන්නයේදී කඩාවැටීමත් සමග ගින්න හටගෙන ඇති නමුත් පසුව ගින්න මැඩපවත්වා ඇති බව වාර්තා සඳහන් කරයි.

මගීන් 62 ක් සහ කාර්ය මණ්ඩල සාමාජිකයන් 5 ක් ඇතුළුව පුද්ගලයින් 67 දෙනෙකු යානයේ සිට ඇත.

කුරුලු රංචුවක ගැටීමෙන් මෙම අනතුර සිදුව ඇති බව මූලික විමර්ශනවලින් හෙළිවී ඇත.

Grozny ගුවන් තොටුපළේ දැඩි මීදුම හේතුවෙන්, යානය මුලින් මකච්කාලා වෙත සහ පසුව Aktau වෙත හරවා යවා තිබේ.

හදිසි ගොඩබෑමේ අවස්ථාවේදී, කාර්ය මණ්ඩලයට Grozny හි ගොඩබෑම සඳහා අවසරයක් ලැබී නැත.

මගීන්ට රටවල් කිහිපයක පුරවැසියන් ඇතුළත් වේ.

අසර්බයිජානයෙන් 37 ක්, රුසියාවෙන් 16 ක්, කසකස්ථානයෙන් 6 ක් සහ කිර්ගිස්ථානයෙන් 3 ක් වශයෙන් මගීන් එහි සිට ඇත.

කසකස්ථානයේ සෞඛ්‍ය අමාත්‍යාංශයට අනුව, තුවාල ලැබූ පුද්ගලයින් 25 දෙනකු රෝහල් වෙත ගෙන ගොස් ඇති අතර, ඉන් 12 දෙනෙකු බරපතල තුවාල ලබා ඇත.

පුද්ගලයින් 6 දෙනකු අසාධ්‍ය තත්ත්වයේ පසුවන බවයි වාර්තා වැඩිදුරටත් සඳහන් කරයි.