පාකිස්ථානය විසින් අත්පත් කරගෙන සිටින ගිල්ගිට් බෝල්ටිස්තානයේ ෂියා සහ සුන්නි අතර නිකායික ආතතීන් මධ්‍යයේ, ප්‍රාදේශීය පරිපාලනය විසින් එම කලාපයේ සියලුම අන්තර්ජාල සේවා අත්හිටුවීමට කටයුතු කර තිබේ.

ගිල්ගිට් බෝල්ටිස්තානයේ ෂියා බහුතරය සහ සුන්නි ප්‍රජාව අතර නිකායික ආතතීන් ඉස්ලාමාබාද් හා දේව අපහාස නීතිවල නව සංශෝධනයට එරෙහිව දැවැන්ත විරෝධතා ඇරඹී දෙසතියකට වැඩි කාලයක් ගත වී ඇත.

එහි සිටින ජනතාවට මාර්ගගත ව්‍යාපාර සහ අධ්‍යාපන අවස්ථා අහිමි කරමින් නීතිවිරෝධී ලෙස අත්පත් කර ගත් එම භූමියේ පාකිස්ථානයේ පිටුබලය ලබන පරිපාලනය අන්තර්ජාල සේවා මෙසේ තහනම් කර තිබේ.

පසුගිය දින 15 තුළ අන්තර්ජාල සේවා නොමැතිකම නිසා අධ්‍යාපන කටයුතු අඩාළ වී ඇති බවත්, අන්තර්ජාල සේවා යථා තත්ත්වයට පත්කරන ලෙස පරිපාලනයෙන් ඉල්ලා සිටින බවත්, ගිල්ගිට් නගරයේ සිසුවෝ ඉල්ලා සිටිති.

නිවසේ සිට ආරම්භ කරන ලද නව මාර්ගගත ව්‍යාපාර අඩාළ වීම නිසා බොහෝ තරුණයන් රැකියා විරහිත හා කලකිරීමේ තත්වයන්ට පත්කර ඇත.

ප්‍රදේශවාසීන්ට මූල්‍ය සේවා සපයන කුඩා ව්‍යාපාරිකයෙක් ජනමාධ්‍යය වෙත මෙසේ සඳහන් කර තිබේ.

”මම Easypaisa (මූල්‍ය සේවා යෙදුමක්) සඳහා වැඩ කරනවා. Easypaisaහි සිල්ලර වෙළෙන්දන් 20-25 ක් පමණ මෙම ප්‍රදේශයේ ව්‍යාපාර කරනවා. ඒ හැමෝම මේ දවස්වල රැකියා විරහිතයි. පසුගිය දින 20 තුළ අන්තර්ජාලය අඩාළ වීම නිසා, අපි සියලු දෙනාටම වැඩ නැහැ. අපගේ ව්‍යාපාර නැවත ආරම්භ කිරීමට හැකි වන බැවින් අන්තර්ජාල සේවා යථා තත්ත්වයට පත් කරන ලෙස අපි පරිපාලනයෙන් ඉල්ලා සිටිනවා.”