පාදුක්ක තුන්නාන ප්‍රදේශයේ ඉඩමක් තුළදී වෙඩි තබා ඝාතනය කළ සංවිධානාත්මක අපරාධකරුවෙකු වන මන්න රොෂාන් ඇතුළු දෙදෙනෙකුගේ සිරුරු සොයාගත් බව පොලිසිය පවසයි.

ඔවුන් කැබ් රථයක් තුල සිටියදී කිසියම් පිරිසක් ඔවුන්ට වෙඩි තබා ඝාතනය කර පලා ගොස් ඇති බවට සැක කෙරේ.

මෙලෙස මියගොස් ඇත්තේ සංවිධානාත්මක අපරාධ කල්ලි සාමාජිකයකු බව කියන හංවැල්ල නිරිපොල පදිංචි රෝහන් ඉන්දික හෙවත් (මන්න රොෂාන්) සහ තැඹිලි වෙළදාමේ නිරතව සිටි සුපුන් නිමේෂ් නැමැති අයෙකි.

මෙය විදේශගත පාතාල සාමාජිකයෙකුගේ මෙහෙයවීමෙන් සිදුවූ බවටත් පොලිසිය සැක කරයි.