ඉදිරි ජනාධිපතිවරණයේදී ජාතික ජන බලවේගය ජයග්‍රහණය කළ පසු ශ්‍රී ලංකා දේශපාලනයේ පුළුල් අනන්‍යතාවක් පිළිබිඹු කරමින් අන්තර්වාර ආණ්ඩුවක් පිහිටුවිය හැකි බව ජාතික ජන බලවේගයේ විධායක කමිටු සාමාජික වසන්ත සමරසිංහ පැවසීය.

අනුරාධපුරයේදී මාධ්‍ය වෙත අදහස් දක්වමින් සමරසිංහ පෙන්වා දුන්නේ උතුරු නැගෙනහිර මුස්ලිම් සහ දෙමළ ප්‍රජාවන් මෙන්ම වතුකරය නියෝජනය කරන දේශපාලනඥයන්ගේ සහාය ඇතිව මෙම අන්තර්වාර ආණ්ඩුව පිහිටුවීමට ජාතික ජන බලවේගය සැලසුම් කර ඇති බවයි.

“අපට අවශ්‍ය වන්නේ ශ්‍රී ලංකා රජයක් නිර්මාණය කිරීමටයි. සිංහල ආණ්ඩුවක් නෙවෙයි” සමරසිංහ පැවසීය.

“රජයේ නොවන මන්ත්‍රීවරුන් ද ඇමැති මණ්ඩලයට පත්වන ඉතිහාසයේ පළමු රජය මෙය වනු ඇති ” යනුවෙන් ද ඔහු සඳහන් කළේය.

තම කණ්ඩායමේ හැරුණු විට සෙසු පාර්ලිමේන්තු මන්ත්‍රීවරුන් 222 අතර උතුරු, නැඟෙනහිර සහ වතු ක්ෂේත්‍රවල හොඳ මන්ත්‍රීවරුන් සිටින බවත්, ඔවුන් අන්තර්වාර ආණ්ඩුවක් පිහිටුවීම සඳහා තෝරා ගන්නා බවත් සමරසිංහ පැවසීය.

“මුලදී අපේ කැබිනට් මණ්ඩලයට අනුර සහෝදරයා ඇතුළු හතර දෙනෙක් ඉන්නවා. තවදුරටත් සාකච්ඡා කිරීමෙන් පසු රටේ විවිධ ප්‍රදේශ නියෝජනය වන පරිදි ඇමැති මණ්ඩලය හත් අට දෙනෙකු දක්වා ව්‍යාප්ත විය හැකිය. “හරියටම සාමාජිකයන් 25 දෙනෙකු එකවර පත් කිරීම සඳහා දැඩි අවශ්‍යතාවක් නැහැ,” යනුවෙන් ඔහු වැඩිදුරටත් පැවසීය.